Heim
Viska
Heilun
Meistarar
Englar
Gleði
Hugleiðslur
Draumar
Um mig

 

 

 

Innra barnið

 

21. september 2013

Innra með okkur býr lítið fallegt barn sem við getum heiðrað, huggað og nært með nákvæmlega sömu ást og umhyggju og við myndum sýna öðrum börnum. Þó að við séum orðin fullorðin þá er þetta barn innra með okkur ennþá til staðar. Það fer að miklu leiti eftir því hvernig við komum sjálf fram við þetta innra barn hvernig því líður og hvernig við bregðumst við ytri aðstæðum.

Barnið og sú líðan sem mótaði það í uppeldinu er að hluta til sá grunnur sem við höfum sem veganesti út í lífið. Ef þessu barni hefur ekki liðið vel á meðan það var vaxa, mótast og þroskast þá er þetta barn jafnvel ennþá á þeim stað sem fullorðin einstaklingur. Innra barnið sem býr í fullorðnum einstaklingi er enn að bregðast við eins og barnið sem upplifði vanlíðan af einhverju tagi ef ekkert hefur verið gert til þess að reyna að breyta minningu barnsins.

Þegar við vorum börn þá höfum við kannski upplifað óþolinmæði, pirring og reiði fullorðinna gagnvart okkur og þessi hegðun eða þetta hegðunarmynstur getur haldið áfram innra með okkur til fullorðins ára og birtingarmyndin á því getur m.a. verið að við séum sjálf pirruð, óþolinmóð og reið út í barnið sem býr innra með okkur og þannig speglað það út til umhverfisins og til þeirra barna sem við umgöngumst í lífinu.

Ef við sýnum barninu innra með okkur þolinmæði, ást og skilning þá speglum við það út til barnanna sem við umgöngumst. Allt er að spegla fyrir okkur, það sem er innra með okkur birtist okkur í ytra umhverfi.

 

 

Ýmislegt

Heim

 

 

 

© Jónína Þorbjörg Gunnarsdóttir netpóstur