Heim
Viska
Heilun
Meistarar
Englar
Gleði
Hugleiðslur
Draumar
Um mig

 

 

 

Þunglyndi

 

Þunglyndi og depurð er oftast tilkomið vegna þess að tilfinningar frá fyrri lífum eru að koma upp í yfirborðsorkuna. Þessar tilfinningar eru komnar upp í orkunni til þess að við getum horfst í augu við þær.

Þunglyndið eða depurðin og sú sterka löngun sem fylgir um að taka sitt eigið líf til þess að enda að því er virðist á þeirri stundu óbærilega vanlíðan og innilokunarkennd getur verið svona sterk vegna þess að við höfum valið þessa útleið úr jarðlífinu í öðrum lífum. Við þekkjum ferlið en erum líka meðvituð um að sjálfsvíg er engin lausn því að ef við klárum ekki það sem við ætlum okkur í jarðvistinni þá þurfum við að koma aftur í annað líf til þess að klára það sem um var samið.

Við höfum minningu um það í undirvitundinni úr öðrum jarðvistum hvernig það var að koma yfir í andlega heiminn og hvað gerist þegar sálar samningurinn er ekki fullkláraður. Sálarsamingurinn er gerður í andlega heiminum í samvinnu við andlega leiðbeinendur áður en við fæðumst í jarðlífinu. Sálin er búin að samþykkja samninginn og skrifa undir að hún ætli að dvelja ákveðið mörg ár í jarðvistinni, en ef persónan (egóið) ákveður að fara styttri leiðina og taka eigið líf, þá þarf hún að snúa fljótlega aftur til baka í jarðlíf í nýjum líkama, til þess klára það sem um var samið.

Þegar við förum inn í þessa tilfinningalegu vanlíðan sem fylgir þunglyndi eða depurð, einhvern tíman á lífsleiðinni þá getur upplifunin verið mjög raunveruleg, þó að raunveruleikinn í lífinu sé allt annar og að okkur séu allir vegir færir og við höfum allt til alls. Tilfinningin (rótin að henni) er komin úr lífum þar sem við höfum orðið fyrir stórum áföllum, þar sem við höfum verið særð djúpu sári og höfum haldið fast í reiðina tengda því. Reiðin er í orkunni vegna þess að við höldum í þessar tilfinningar og viljum ekki sleppa. Það hefur yfirleitt hlaðist meira og meira ofan á tilfinningasárið þegar við höfum upplifað sömu eða svipaðar aðstæður líf eftir líf og vegna þess að grunnurinn er til staðar þá bætist alltaf ofan á hann vegna þess að við erum að dansa í mynstrinu sem hefur myndast. Mynstrið er til staðar í undirvitundinni og orkulíkömunum og það tengist ákveðnum tilfinningum og hugsunum sem verða að lokum að þunglyndi.

Það sem gerist líka við þunglyndi er að höfuðstöðin, ennisstöðin og rótarstöðin blokkerast eða hafa mjög lítið flæði, það verður rörasýn eins og kallað er, en það er líka vegna tilfinninga svo sem reiði sem hefur verið haldið fast í og reiðin lokar flæði inn og út um höfuðstöðina og hindrar útsýni og innsæi sem við höfum úr ennisstöðinni. Reiði veldur þunglyndi og hún hefur fest sig í orkunni vegna einhvers sem við upplifðum sem óréttlæti, eða það særði okkur mjög djúpt, það getur verið reiði út í annað fólk, okkur sjálf, atburði, Guð, eða einhvers konar æðri mátt.

Það að þunglyndi kemur oft fram eftir áföll er vegna þess að þá förum við dýpra inn í tilfinningaskalann og þannig nær hugurinn í eitthvað mynstur sem tengist hugsunum og tilfinningum úr öðru lífi. Oft gerist þetta líka þegar við hittum einhvern og umgöngumst sem við þekkjum úr öðrum lífum og þeir ná að vekja þessar áfalla minningar upp til þess að við eigum möguleika á að fá þær upp á yfirborðið svo að við getum horfst í augu við þær og sleppt þeim ef við kjósum það.

 

Efst á síðu

Ýmislegt

Heim

 

 

 

© Jónína Þorbjörg Gunnarsdóttir joninath@viskaoggledi.is