Heim
Viska
Heilun
Meistarar
Englar
Gleði
Hugleiðslur
Draumar
Um mig

 

 

 

 

 

 

Innra barns heilun

 

Innra með okkur öllum er lítið barn sem hefur verið sært mörgum sinnum af fjölskyldumeðlimum, skólafélögum, vinum, samstarfsfólki eða öðrum sem hafa verið samferða okkur í lífinu. Engin kemst í gegnum lífið án þess að verða særður, en það er mjög misjafnt hvað við höldum í sársaukann og þar liggur vandinn.

Sárin sem við geymum innra með okkur frá barnsaldri koma oft fram í því hvernig við bregðumst við í allskyns aðstæðum, hversu áræðin við erum, hvernig sjálfsmyndin er, hvernig okkur líður í hjónabandi, í systkinahópi, vinahópi eða í vinnunni. Sár innra barnsins geta valdið því að það er auðvelt að detta inn í kvíða, sjálfsgagnrýnandi hugsanir, síhugsanir, þunglyndi, vonleysi, sjálfshatur og sjálfsgagnrýni.

Til þess að reyna að koma í veg fyrir að finna þennan sársauka sem varð til í æskunni reynum við að láta sem við vitum ekki af barninu innra með okkur. En barnið fer aldrei í burtu það verður alltaf þarna og við höldum áfram að bregðast við eins og þegar það var sært. Sársaukinn liggur djúpt í undirvitundinni og er jafnvel gleymdur að hluta eða öllu leiti þó að það sé hægt að endurmuna hann aftur í djúpslökuninni og uppræta hann úr orkukerfinu.

Í innra barns heilun er farið í djúpslökun og leiðir kannaðar, aðstæður skoðaðar þegar sárið varð til. Hvað gerðist og hvernig við ákváðum að halda í það. Hvort það er líka reiði og vonbrigði út í einhvern ákveðin, eða ákveðnar aðstæður. Þá er tekin ákvörðun um að viðkomandi fari inn í heilunarferli til að losa um þá orkuþyrla sem hafa verið nærðir með huga og tilfinningum til að viðhalda sársaukanum. Barnið er tekið í sátt og elskað á þeirri stundu sem sársaukafulli atburðurinn átti sér stað. Á þessari stundu er hægt að sjá hvaða þroska og skilning þessi atburður færði viðkomandi á fullorðinsárum þar sem sárið er nú litið öðrum augum.

Innra barnið þitt á allt það besta skilið og að vera tekið í sátt og elskað af þér.

Ég býð upp á heilun innra barnsins, en ég útskrifaðist sem innra barns og fyrri lífa meðferðaraðili í The Etherikos International Center for Energy Healing and Spiritual Development hjá Nicholas Demetry árið 2001.

Tímapantanir í s. 615 5710 eða í netpósti joninath@viskaoggledi.is

 

 

 

 

 

Efst á síðu

Ýmislegt

Heim

 

 

© Jónína Þorbjörg Gunnarsdóttir netpóstur