Heim
Viska
Heilun
Meistarar
Englar
Gleði
Hugleiðslur
Draumar
Um mig

 

 

 

Aðeins 6 sálir af hverjum þúsund
sem fara inn á andlegu brautina ná í gegn

 

26. maí 2001

Skilaboð frá Maitreya miðlað af Margaret McElroy

Sérhver sál velur á hvaða tímaskeiði hún ætlar að vinna að andlegum þroska sínum og hækkun í tíðni. Sumir hefja þetta ferli í barnæsku eða á unglingsárunum. Aðrir velja þrítugs - eða fertugs aldurinn. Sumar sálir kjósa að hefja ferlið á efri árum og margar sálir byrja að upplifa þetta á áttræðis - eða níræðis aldri. Það er enginn ákveðinn tími. Sálin segir oft áður en hún fæðist,  "ég ætla að gera tilraun til þess að hefja leiðina mína á eigin vegum, en ef tímaáætlunin stenst ekki þá verðið þið að sjá til þess að ég geri breytingar.  Ykkur gefst tækifæri til að sjá um þetta sjálf en svo aðstoðum við ykkur við að gera breytingarnar ef með þarf.

Það eru margir sem halda að andlegur þroski sé sérstaklega yndisleg og þægileg leið. Það er langt því frá. Þegar þið opnið dyrnar að andlegri vinnu, þá þurfið þið fyrst og fremst að finna að þið verðskuldið það. Við getum ekki unnið með ykkur ef þið eruð uppfull af sjálfinu, eruð ekki að hlusta á innsæið og eruð full af ótta. Á ákveðnu tímabili vinnum við að því að setja fyrir framan ykkur allt sem þið óttist. Við aðstoðum ykkur inn í ferli þar sem þið getið upplifað karmískar aðstæður. Aðstæður eru líka skapaðar til þess að sjá hvernig innsæið ykkar er og hversu mikla athygli þið gefið því.

Það sem gerist oftast er að þegar þið byrjið að hleypa hærri andlegri orku inn í líkamann, þá hjálpar þessi orka ykkur í þróunarferlinu, hún mun síðan neyða allt sem þið hafið grafið djúpt í eter líkamanum upp á yfirborðið, hvort sem það eru verkir, tilfinningar, ótti, efi, óöryggi eða eitthvað annað. Þið fáið enga viðvörun.  Það eru margar sálir á jörðinni að upplifa þetta  vegna þess að það eru svo margar sálir sem eru að hefja sína andlegu göngu. Miklu fleiri en nokkurn tíman áður.

Það eru aðeins 6 sálir af hverjum þúsund sem fara inn á andlegu brautina sem ná í gegn. Sjálfið mun setja hindrun eftir hindrun í veginn ykkar til þess að stoppa ykkur. Það mun ekki gefast svo auðveldlega upp. Þetta er í raun og veru bardagi á milli lægra sjálfsins og æðra sjálfsins. Oft er það lægra sjálfið sem sigrar vegna þess að sálin veit yfirleitt ekki hvernig á að takast á við lægra sjálfið.

Þið eruð prófuð í mörg ár, þið eruð reynd og þið sjáið um það sjálf. Þið hafið stillt upp áætlun og þið leikið samkvæmt þeirri áætlun, ásamt leiðbeinanda ykkar, þeir sem eru í kringum ykkur verða leikarar á sviði áætlana ykkar. Allir í ykkar lífi verða kennarar eða speglar, til þess að aðstoða ykkur við að læra lexíurnar og losna af jörðinni. Margir klára þó aldrei fyrsta hlutann. Baráttan verður of hörð. Þau geta oft ekki staðist baráttuna sem fylgir þessu.

Ef þú ert ein af þeim sálum sem nefndar eru hér að ofan sem á í erfiðleikum með andlegan þroska, þá máttu vita að við í andlega heiminum eru með þér öllum stundum. Við yfirgefum þig aldrei. Biddu um aðstoð okkar og hún mun verða veitt. Mundu að innsæi þitt og andlegur þroski verður meiri eftir því sem þú hækkar í tíðni. Þú mátt líka vita að við getum ekki unnið með þér fyrr en þú hefur losað út leyfar fyrri lífa. Tilgangurinn með andlegum þroska er að koma þeim upp á yfirborðið.

Þú ert leikarinn, leikstjórinn, framleiðandinn og sá sem metur leikritið þitt. Við meistararnir og aðra sálir í andlega heiminum erum bara til þess að aðstoða þig þegar þess er þörf, þú hefur lagt þessa beiðni fram og við getum ekkert gert án þíns leyfis.

Að lokum finnur þú frið, auk þess að geta skapað allt sem þú þráir. Sannarlega himnaríki á jörðu. Það er þess virði að berjast ef þú getur séð í gegnum blekkinguna sem jörðin skapar.  

Maitreya.

Kennsla Maitreya

Efst á síðu

Heim

 

 

Beint á síðu http://maitreya.co

© Jónína Þorbjörg Gunnarsdóttir netpóstur