Heim
Viska
Heilun
Meistarar
Englar
Gleði
Hugleiðslur
Draumar
Um mig

 

 

Að færast inn í hærri tíðni – 2. hluti



22. júlí 2009

Skilaboð frá Maitreya - miðlað af Margaret McElroy

Einkenni sem geta tengst hækkandi orku, eða fótonorkunni.

Höfuðverkur:

Mígreni, eða staðbundinn höfuðverkur. Af einhverjum sökum virðist höfuðverkur vera algengari hjá konum en körlum. Höfuðverkurinn er vegna þess að það er of mikið orkuflæði í gegnum höfuðstöðina og hann kemur einnig vegna hormónabreytinga sem verða vegna örvunar á orkustöðina. Þetta má milda með því að biðja hina æðri uppsprettu að hjálpa við að létta á þessu. Þið getið líka beðið andlegan leiðbeinanda að hjálpa ykkar. Ef þetta er til þess að hjálpa ykkur við að opna heilaköngul og heiladingul, þá munið þið verða vör við að verkurinn hverfur ekki alveg, heldur minnkar þegar þið þegar þið biðjið um að þetta sé tekið frá ykkur. Heiladingull og heilaköngull breytast þegar þið hækkið í tíðni vegna þess að þeir eru að aðlagast hærri orku. Aðrir kirtlar breytast líka, en þó eru það aðallega þessir tveir. Þetta getur tekið nokkra mánuði, eða ár, það fer eftir því á hvaða stigi andlegur þroski ykkar er. Það getur hjálpað ykkur við að fara í gegnum þessar breytingar er ametyst kristall og einnig er gott að nýta sér grasalækningar, eða remedíur.

Flensu lík einkenni:

Það er frekar algengt að fá flensu einkenni og það virðist vera erfitt að losna við þau. Ástæðan fyrir því er allt ruslið sem hefur hlaðist upp í orkustöðvunum ykkar og er að koma upp á yfirborðið. Þið þurfið að keyra þetta út í bókstaflegri merkingu. Heitur sítrónu drykkur mun hjálpa ykkur við hreinsunina. Ekki vinna of mikið á þessum tíma, þið eruð að ganga í gegnum meiriháttar tíðni breytingar. Takið því rólega, þetta mun ganga yfir.

Ógleði, lausar hægðir, eða niðurgangur:

Hér er það sólarplexus orkustöðin sem er að opnast og hreinsast. Fólk sem hefur haldið í ótta, reiði og gremju upplifir þessar breytingar. Gulur kristall eins og sítrín (citrin) getur hjálpað ykkur. Þið getið drukkið vatn sem sítrínkristall hefur legið í, í sólarhring. Þið getið líka látið kristalinn liggja nálægt orkustöðinni. Áfalladroparnir í Bach blómadropunum (Rescue Remedy) eru líka frábærir til þess að hjálpa við að milda áhrifin. Það má taka þá inn á 30 mínútna fresti ef það er nauðsynlegt.

Ofboðsleg þreyta:

Þreytan getur verið til staðar þegar þið vaknið; þið hafið sofið alla nóttina en getið ekki komist fram úr rúminu um morguninn. Um miðjan daginn þurfið þið að leggja ykkur aftur og sofa. Þetta er vegna þeirra orkubreytinga sem eru að eiga sér stað í öllum orkulíkömunum. Þetta mun taka enda. Það er misjafnt hvað þetta tekur langan tíma hjá hverjum og einum. Það getur tekið vikur hjá sumum, mánuði hjá öðrum og suma tekur þetta mörg ár. Verið bara í flæðinu og hvílið ykkur þegar þið eruð þreytt. Ekki snúa ykkur á hina hliðina og halda áfram að sofa þegar þið vaknið á morgnana. Venjulegur kvarts kristall getur hjálpað ykkur, annað hvort með því að vera með hann um hálsinn vegna orkunnar sem hann gefur, eða með því að drekka vatn sem kristallinn hefur legið í. Ef þið getið búið til pýramída til þess að sitja undir, þá mun það gefa ykkur yndislegan orkulegan styrk.

Of mikil orka:


Þið hafið farið uppgefin í rúmið kl. 22:00,  þið vaknið og klukkan er bara 1:00, en ykkur finnst eins og þið séuð útsofin og klukkan sé orðin átta um morguninn. Þetta er vegna þess að fótonorkan er að byggjast upp í kringum ykkur og líkaminn er ófær um að höndla það vegna blokkeringa. Farið samt ekki á fætur til að þrífa eldhúsið! Það er ástæða fyrir orkunni. Hún er þarna til þess að hjálpa ykkur að heila alla orkulíkamana, andlega líkamann, hugar líkamann – tilfinninga líkamann – og þann efnislega. Sitjið og lesið í rólegheitum, horfið á sjónvarpið (það gerir venjulega gæfumuninn fyrir fólk og gerir það þreytt), eða hlustið á hugleiðslu diska. Þessi einkenni geta staðið yfir í þó nokkurn tíma.

Ástæðulaus grátur;  tilfinningalegt varnaleysi:


Ef ykkur finnst þið vera tilfinningasöm og þið grátið án þess að það sé ástæða fyrir því, þá er það vegna þess að þið eruð að losa út blokkeringar sem hafa verið þarna ekki bara í þessu lífi, heldur líka í öðrum lífum. Nú verður það að víkja og fótonbeltaorkan er bara að hjálpa til við það. Það er fátt sem þið getið gert til þess að komast hjá þessu vegna þess að þetta á að renna frjálst. Ef þið hindrið það, þá gerir það hlutina bara verri. Leyfið því að fara. Grátið ef þið þurfið þess og finnið út Bach blómadropa til þess að hjálpa ykkur með tilfinningarnar. Áfalla droparnir (Rescue Remedy) eru líka frábærir. Því meira sem þið hreinsið hindranirnar því fyrr mun það taka enda.

Hitaköst og svitakóf, dag og nótt:


Þetta er mjög algengt bæði hjá konum og körlum. Þetta er vegna þess að orkan flæðir of hratt í gegnum líkamann - hormónabreytingar (sem karlmenn hafa líka) og líkaminn er að aðlagast hærra tíðnisviði. Sumir karlmenn fá jafnvel brjóst eða hafa stækkuð brjóst um tíma. Ef þú ert karlmaður, ekki vera með áhyggjur. Þú þarft ekki að fá þér brjóstahaldara. Þú munt eigi að síður hafa smá þrota í bringunni í einhvern tíma.

Vöðva - og liðverkir:


Um leið og hærra tíðnisvið kemur inn í líkama ykkar mun kraftur þess verða svo sterkur að margir munu finna fyrir áhrifunum í efnislíkamanum í formi verkja og sársauka í vöðvum og liðum. Það að biðja æðri kraft um hjálp við að taka þessa verki mun hjálpa mikið. Þegar líkaminn fer að venjast hærri tíðni þá mun hann róast og orkan sem kemur inn verður ekki lengur til vandræða.

Hjartsláttar flökt, verkur og öndunar erfiðleikar:


Þessi tilfinning getur verið ógnvekjandi vegna þess að þið gætuð haldið að þið væruð að fá hjartaáfall. Ef þið eruð að vinna fyrir andlega sviðið með einhverju hætti þá munið þið eflaust finna fyrir þessari tilfinningu um tíma. Það getur líka verið eins og þið getið ekki náð andanum. Þegar hjartastöðin opnast til þess að taka við hærri orku þá getur hún ekki tekist á við hana í smá tíma, svo að hún þarf að aðlagast. Þessi einkenni og tilfinningin um að orka sé að renna í gegnum sólarplexus og hjartastöðina (hjarta - og magasvæði) er mjög algeng. Það getur tekið einhvern tíma. Þegar þetta gerist þá er ekkert annað að gera en að slaka algjörlega á, vegna þess að það hjálpar ykkur að aðlagast. Verið ekki óttaslegin, þetta er eðlilegt ferli í að hækka orkutíðnina í líkamanum.

Þyngdaraukning:


Þeir sem hafa ofantalin einkenni tala oft um að hafa bætt á sig. Það er varnarform vegna þess að líkamanum finnst eins og það sé verið að gera innrás í hann og sjálfið kemur inn til þess að vernda sig. Þið eruð líka að nota meira vatn í líkamanum. Það er mikil hjálp í því að drekka átta glös af vatni til þess að halda þyngdinni í skefjum. Ef þið eruð að vinna fyrir andlega sviðið sem ljósberar þá þurfið þið vökva í líkamann til þess að hjálpa þeim sem er að vinna með ykkur. Þeir nota vatnið í líkamanum til þess að búa til orku, alveg eins og við notum vatn til þess að framleiða rafmagn. Líkaminn mun safna vatni ef hann fær ekki nóg. Ef þið viljið ekki þyngjast er hjálp í því að drekka vatn.

Maitreya.


Efst á síðu

Kennsla Maitreya

Heim

 

 

Beint á síðu http://maitreya.co

© Jónína Þorbjörg Gunnarsdóttir netpóstur