 |
|
 |
|
 |
|
 |
|
 |
|
 |
|
 |
|
 |
|
 |
|
 |
|
Leiðin sem Margaret valdi
19. júlí 2006
Boðskapur Maitreya - miðlað af Margaret McElory
Margaret fékk bréf þar sem hún var spurð að því af hverju hún hafi ekki valið að vera andlegur kennari eins og Sai Baba eða einn af jógum Indlands? Þó hún hafi ekki svarað viðkomandi mun ég gera það núna.
Til þess að vera heimskennari þurfti ég að þekkja heiminn á jarðar plánetunni. Ég hef verið lengi í minni andlegu vídd. Þrátt fyrir að við höfum engan tíma í okkar heimi nota ég orðið "tími" til útskýringar fyrir alla lesendur mína á jörðinni. Við höfum tilhneigingu til að gleyma lífinu sjálfu í ykkar heimi. Við lifum í núinu og allt sem við gerum er gert í núinu. Ekki misskilja mig, það þýðir ekki að við gleymum ykkur og því sem þið eruð að gera. Það er ekki svo, en við erum mjög upptekin í okkar vídd. Í okkar heimi höfum við ekki sjálf, svo við höfum tilhneigingu til að gleyma hvað sjálfið gerir og hvernig það virkar. Við vitum líka að verndarar ykkar sjá um ykkur frá andlega sviðinu og öllu þeim sem vinna með ykkur á jarðar plánetunni úr okkar heimi. Við grípum aðeins inn í þegar við erum beðin.
Margrét kaus að lifa í heiminum, vera af heiminum, ganga í gegnum margs konar reynslu, svo sem að eignast barn og þurfa að gefa það til ættleiðingar, fara í fóstureyðingu, vera í skuld, eiga í sambandsvanda, hafa kröftugt sjálf, hafa ekkert sjálfstraust, hafa litla sjálfsvirðingu og mörg fleiri vandamál. Hún kaus að gera þetta svona svo ég gæti upplifað lífið á jarðar plánetunni í gegnum hana. Þó að ég hafi aðeins verið með henni stuttan hluta lífs hennar á jarðar plánetunni, hef ég alltaf verið með henni frá fæðingu, fylgst með og beðið eftir að hún ljúki námi sínu svo ég gæti hafið vinnu mína með henni á þann hátt sem það átti að vera. Stundum hefur það ekki verið auðvelt fyrir hana, þar sem hún hefur viljað ganga frá skyldum sínum, en hún hélt stefnunni og við erum núna tilbúin að hefja vinnu okkar við að aðstoða jörðina.
Já, hún hefði getað valið að vera jógi í ashram á Indlandi, en það gerði hún ekki. Þess í stað kaus hún að vera í heiminum með allan sinn sársauka, þjáningu, gleði, hamingju, átök, frið o.s.frv. Hún kaus einnig að upplifa margt til að læra um lífið á jarðar plánetunni. Þetta hjálpar starfi mínu gríðarlega, því þó að ég hafi samúð og kærleika til alls mannkyns á valinni braut þeirra í lífinu, þá get ég ekki vitað um sársaukann, þjáninguna eða aðrar tilfinningar nema ég hafi upplifað tilfinninguna. Margrét valdi að gera þetta til að hjálpa mér: hún kaus að vera tilfinningaþrungin manneskja og hafa þessa reynslu til að vera fær um að þekkja lífið sjálft. Þegar ég hef samúð og ást á sál þá hefur hún það líka. Við erum eitt í skilningi okkar á málefnum eða vandamálum; það er dásamlegt að vinna með sál sem getur þetta.
Í okkar heimi höfum við aðgreinst frá jörðinni, en það táknar ekki að við vitum ekki af málum ykkar eða vandamálum. Við gerum það. Það er bara þannig að við getum ekki, í okkar heimi, tekist á við ykkar mál. Aðeins í gegnum miðil getum við gert þetta og þá aðeins þegar miðillinn okkar hefur hækkað tíðnina til að tengjast okkur. Aðeins þá getur sönn heilun átt sér stað á líkamlegu, huglægu og andlegu stigi á jarðar plánetunni. Margrét kaus að upplifa það sem hún gerði, hún þurfti ekki að gera það. Þetta gæti komið henni á óvart. Þó að fæðingarkortið hennar sýni karma hennar og lífsleið þá þurfti hún ekki að gera þetta. Hún hafði losað sig frá jörðinni en kaus að koma aftur til að aðstoða við mitt starf og einnig til að kenna mörgum öðrum í leiðinni. Sjálf vissi hún það ekki fyrr en hún skrifaði þetta, en þetta er sannleikurinn og það er hægt að segja hann núna af því hún er búin að læra það sem hún kaus að læra.
Svo fyrir þá sem velta fyrir sér hvers vegna Margaret valdi að vera af þessum heimi, þá er þetta ástæðan. Fyrir val sitt og fyrir ákvörðun sína um að taka þá endurfæðingu sem hún valdi, þakka ég henni einlæglega, eins og allir meistarar í okkar heimi. Hún veit líka að hún hefur lokið námi, því nú er verið að verðlauna hana fyrir alla sína hollustu og vinnusemi, á svo margan hátt.
Maitreya
© Jónína Þorbjörg Gunnarsdóttir joninath@viskaoggledi.is