Heim
Viska
Heilun
Meistarar
Englar
Gleði
Hugleiðslur
Draumar
Um mig

 

 

 

Leiðir til að læra að elska þig ~ Louse Hay

Ég hef komist að því að það er bara eitt sem heilar öll vandamál, og það er: að elska sjálfan sig. Það er ótrúlegt hversu margt lagast í lífinu þegar fólk fer að elska sig meira hvern dag. Því líður betur. Það fær störfin sem það langar í. Það fær peningana sem það þarfnast. Samböndin lagast eða þau leysast upp og ný sambönd verða.
Það er yndislegt ævintýri að elska sjálfan sig; það er eins og að læra að fljúga. Ímyndaðu þér ef við hefðum öll kraft til að fljúga að vild. Væri það ekki spennandi? Byrjum á því að elska okkur núna.

Hér eru 12 boðorð til að hjálpa þér að læra að elska sjálfan/sjálfa þig:

1. Hættu allri gagnrýni.

Gagnrýni breytir aldrei hlutunum. Neitaðu að gagnrýna þig. Samþykktu þig nákvæmlega eins og þú ert. Allir breytast. Þegar þú gagnrýnir þig, eru breytingarnar neikvæðar. Þegar þú samþykkir þig þá eru breytingarnar jákvæðar.

2. Fyrirgefðu sjálfri/sjálfum þér.

Láttu fortíðina fara. Þú gerðir það besta sem þú gast á þeim tíma með þeim skilningi, vitund og þekkingu sem þú hafðir. Þú ert að þroskast og breytast og þú munt lifa lífinu öðruvísi.

3. Ekki hræða þig.

Hættu að hræða þig með hugsunum þínum. Það er vond leið að lifa þannig. Finndu hugar ímyndir sem veita þér ánægju og skiptu þeim strax út fyrir þær sem hræða þig.

4. Vertu blíð/ur og góð/ur og þolinmóð/ur.

Vertu blíð/ur við þig. Vertu góð/ur við þig. Vertu þolinmóð/ur við þig á meðan þú lærir nýjan hugsunarhátt. Komdu fram við þig eins og þú myndir gera við einhvern sem þú elskaðir virkilega mikið.

5. Vertu blíð/ur við hugann þinn.

Sjálfshatur snýst bara um að hata eigin hugsanir. Ekki hata þig fyrir að hafa hugsanirnar.  Breyttu hugsunum þínum mildilega.

6. Hrósaðu þér.

Gagnrýni brýtur niður andann hið innra. Þegar þú hælir þér þá byggir þú hann upp. Hrósaðu þér eins mikið og þú getur. Talaðu um það við þig hversu vel þú ert að standa þig með litlu hlutina.

7. Vertu þinn eigin stuðningur.

Finndu leiðir til að styðja við þig. Farðu út á meðal vina og leyfðu þeim að hjálpa þér. Það er styrkur að biðja þau um að hjálpa þér þegar þú þarft á því að halda.

8. Vertu ástúðleg/ur við neikvæðnina þína.

Viðurkenndu að þú bjóst hana til, til þess að uppfylla þarfir. Núna ert þú að finna nýjar, jákvæðar leiðir til að uppfylla þær þarfir. Losaðu þig því við gömul neikvæð mynstur af ástúð.

9.  Hugsaðu vel um líkama þinn.

Lærðu um næringu. Hvers konar eldsneytis þarfnast líkami þinn til að fá sem bestu orkuna og kraftinn? Lærðu æfingar. Hvaða æfingar finnst þér gaman að gera? Hlúðu að og heiðraðu musterið sem þú býrð í.

10. Gerðu spegla vinnu.

Horfðu oft í augun á þér.  Tjáðu þessa auknu tilfinningu ástar sem þú hefur fyrir sjálfri/um þér. Fyrirgefðu þér á meðan þú horfir í spegilinn. Talaðu við foreldra þína á meðan þú horfir í spegilinn. Fyrirgefðu þeim líka. Segðu að minnsta kosti einu sinni á dag, ég elska þig, ég elska þig í raun og veru!

11. Elskaðu sjálfan/sjálfa þig ..... gerðu það núna.

Ekki bíða þangað til þér líður vel, eða þú hefur lést, eða fengið nýju vinnuna, eða nýja sambandið.  Byrjaðu núna og gerðu það besta sem þú getur.

12. Leiktu þér.

Mundu eftir hlutunum sem veittu þér gleði þegar þú varst barn. Felldu þá inn í líf þitt núna. Finndu leið til þess að hafa gaman af öllu sem þú gerir. Tjáðu gleðina yfir því að lifa. Brostu. Hlæðu. Hafðu gaman og alheimurinn gleðst með þér!  ~ Louse Hay.

 

Efst á síðu

Ýmislegt

Heim

 

 

© Jónína Þorbjörg Gunnarsdóttir hafa samband