Heim
Viska
Heilun
Meistarar
Englar
Gleði
Hugleiðslur
Draumar
Um mig

 

 

 

 

 

 

 

 

 

 

 

VISKA OG GLEÐI

 

Höfundur þessarar vefsíðu er Jónína Þorbjörg Gunnarsdóttir. Ég er fædd og uppalin á Snæfellsnesi og hef alla tíð verið mjög tengd náttúrunni og þeim kröftum sem þar er að finna. Ég er menntuð í heilbrigðisgeiranum og hef lengst af unnið á því sviði auk þess að hafa verið kúabóndi og í hestamennsku til fjölda ára auk allskyns annarra starfa sem hafa fallið til hverju sinni. Hin síðari ár hef ég verið starfandi á höfuðborgarsvæðinu bæði í heilbrigðisgeiranum og með heilun og námskeið.

Ég hef alla tíð verið mjög næm og viðkvæm fyrir orku í umhverfi og byrjaði því snemma á ævinni að leita út í náttúruna til að endurhlaða orkuna mína. Auðvitað var ég ekki meðvituð um það hvað ég var að gera þegar ég sótti út til að dunda mér ein við allskyns leiki og skoðunarferðir, en í seinni tíð hef ég séð að það er eitt af því besta sem hægt er að gera til þess að komast í jafnvægi. Ég byrjaði snemma á því að fara út að ganga ef ég var í ójafnvægi og það var eins og ég hefði farið í orkulega hreinsun því líðanin var gjörbreytt þegar ég sneri aftur heim.

Ég lærði fyrri lífa heilun, heilun innra barnsins ásamt mörgu öðru s.s. heilun karl - og kvenorkunnar, heilun særða trúaða barnsins og fleira hjá Nicholas Demetry og síðar orkuheilun hjá Karina Becker. Þá hef ég verið með opnar hugleiðslur með erkienglunum í fjölda ára auk þess að hafa leitt fólk inn í djúpslökun inn í undirvitundina í heilun og í hópheilun á námskeiðum. Ég er einnig blómadropa þerapisti og hef notað ilmkjarnaolíur og önnur hjálpartæki svo sem, spil, kristalla, steina og aura-soma hvort sem er á námskeiðum eða í heilun þar sem það hjálpar til við að flýta fyrir og dýpka meðferðirnar.

Þá hef ég skrifað mikið um tilfinningar og tilfinningatengt efni hér á vefsíðuna og hef skoðað og hugleitt samskipti mín og annarra og út frá mínu áhugasviði hef ég sett saman kennsluefni í námskeiðin. Inn í námskeiðin hef ég auk þess dregið inn fræðsluefni sem ég hef sótt við lestur bóka og á netsíðum.

Ég er meðvituð um að mörg þeirra hegðunarmynstra sem við erum í eru lífeðlisfræðileg þar sem tenging taugafruma verður til vegna endurtekninga, en við erum ekki bara líkaminn heldur hefur orkan líka áhrif. Ég trúi því að við séum skaparar eigin lífs og höfum valið að fara í gegnum ákveðin lærdóm og þroska með öðrum sálum í jarðvist. Átökin í lífinu er á milli ótta og ástar, persónu og sálar, sálin er eilíf og veit að allt hefur sinn tilgang en persónan eða egóið/hugurinn heldur í óttann og vill að við höldum okkur innan þægindarammans. Það er vilji sálarinnar að takast á við allt sem við óttumst því það gefur okkur meira frelsi. Því minna sem við óttumst því meira frelsi.

Þar sem ég veit að ég er ekki bara þessi líkami og það nafn sem ég ber í dag þá hef ég fengið að vita að sálarnafnið mitt er Mah-ree-ZEE sem þýðir “að sjá með berum augum.” Þegar ég heyrði hvað sálarnafnið mitt þýddi þá skildi ég svo margt og þá m.a. af hverju ég hef alltaf verið meðvituð um þá blekkingu sem jarðlífið er. Ég er úr sálnafjölskyldu sem kallast "Vitund ljóssins" hlutverk þeirra sálna er að hjálpa til við að hækka tíðnina á jörðinni og fleiri staða í alheiminum.

 

 

 

Efst á síðu

Ýmislegt

Heim

 

 

 

© Jónína Þorbjörg Gunnarsdóttir joninath@viskaoggledi.is