Heim
Viska
Heilun
Meistarar
Englar
Gleði
Hugleiðslur
Draumar
Um mig

 

 

 

Til þess að vera "andlegur."

Maitreya - miðlað af Margaret McElory

Til þess að vera "andlegur" þarf maður að vera sáttur við sjálfan sig,  maður þarf að vera fær um að segja fyrirgefðu og biðjast afsökunar án stolts.  Maður þarf að vera hamingjusamur.

Því er oft haldið fram að til þess að vera "andlegur" þurfi maður að hugleiða, búa í pýramída, vera grænmetisæta og vera öðruvísi en aðrir. Þetta gæti ekki verið fjarri sannleikanum.  Allt þetta er persónulegt val, það eina sem maður þarf að gera til þess að vera andlegur ef maður vill kalla það því nafni er að vera trúr sjálfum sér!  95% af fólki, jafnvel þeir sem segjast vera andlegir, lifa í lygi; þau lifa í ótta og vilja ekki takast á við hann eða losa sig við hann!

Aftur, þetta fólk vill ekki tala sinn sannleika, þau vilja heldur ekki viðurkenna þegar þau hafa rangt fyrir sér og lifa ekki sinn sannleika, frekar vilja þau skipta sér af lífi allra annarra, en sínu eigin. Hlátur er ekki fyrir þau; þau virðast halda að það sé rangt að hlæja, en samt er ekkert betra en að hlæja að því sem maður getur, svo lengi sem það meiðir ekki aðra. Það er heldur ekki talað um kynorku, alveg sama þó hún sé ekki notuð.  En til þess að líkaminn og andlega orkustöðvakerfið sé hreinsað þarf reglulegt kynlíf annaðhvort með maka eða sjálfum sér, það er eitt af því mikilvægasta á svokallaðri „andlegri“ leið.  

Kaþólska kirkjan fer fram á að prestar séu einlífir, en lítum á barnaníðinga innan kirkjunnar og hversu mikið tjón var og er enn vegna þessarar ákvörðunar. Til þess að vera "andlegur," þarf maður að vera sáttur við sjálfan sig, maður þarf að vera fær um að segja fyrirgefðu og biðjast afsökunar  án stolts. Maður þarf að vera hamingjusamur. Svo margir eru í störfum sem þeim mislíkar og munu ekki breyta því vegna ótta. Maður þarf að vera án ótta.

Orkan sem þú þekkir sem Guð mun ekki refsa þér af því að þú hugleiðir ekki. Fyrir marga gerist hugleiðsla á marga mismunandi vegu, svo sem í göngu, eða í sturtu. Fyrir miðilinn minn, var það þegar hún var að strauja. Maður þarf ekki að sitja með krosslagðar fætur og í þögn. Ef þú ert tóm tunna, þ.e. líkami þinn hefur engan ótta, stolt, eða aðrar tilfinningar, þá getur Guð fyllt þig upp með hinum yndislegasta friði og skilningi um lífið og opnað þig fyrir hinu dásamlegasta innsæi.

Fyrir ykkur hin sem hugleiðið öðruvísi, það er ykkar val. En fyrir ykkur sem finnst hugleiðsla erfið, það eru til mismunandi aðferðir. Þið þurfið ekki að biðja, við heyrum bænir ykkar. Við munum útvega það sem þið þurfið ef lífsplanið ykkar leyfir það. Ef þið eruð að endurgreiða karma, eða að læra lexíur, munum við útvega það þegar lexían eða karmanu er lokið.
Fyrir okkur hafa trúarbrögð skapað svo miklar ranghugmyndir um sálina, andann og okkar veröld. Margir óttast að fara aftur heim vegna ótta við að verða refsað. En enginn refsar þér. ÞÚ refsar þér með því að sjá hvað þú gerðir, eða leyfðir sjálfinu að gera, á jörðinni, því að þú kemur heim án egósins eða sjálfsins.

Andlegheit hefjast með því að vera alveg trúr sjálfum sér, ekki lifa lygi, viðurkenna að þú getir haft rangt fyrir þér, að hlusta á innsæi þitt og að fylgja því, og umfram allt annað, að hafa frið innra með sér! Þið eruð öll sálir á leið; þið hafið valið þessa leið. En, umfram allt, þið eruð hluti af Guði og að Guð refsar ekki. Guð hefur hina mestu samúð og kærleika; þegar maður hefur fundið það, þá hefur maður sannarlega fundið kærleika. Ekki örvænta þó að þér finnist þú ekki vera andlegur, andlegheit eru stunduð á marga mismunandi vegu og það er leið sem hentar þér. Þú getur valið hvernig þú vilt hafa samskipti við okkur, það eru margar leiðir og það er til leið sem henta þér!



Maitreya

Kennsla Maitreya

Heim

 

Beint á síðu http://maitreya.co

© Jónína Þorbjörg Gunnarsdóttir netpóstur