Heim
Viska
Heilun
Meistarar
Englar
Gleði
Hugleiðslur
Draumar
Um mig

 

 

Ekki fullkomin og taka orkuna inn

Maitreya - miðlað af Margaret McElroy

8. apríl 2004

Skilaboð frá Maitreya,

Það eru margir sem trúa því að andlegur kennari eigi að vera gallalaus og fullkominn á allan hátt, ég hafði gaman að því þegar miðillinn minn las í tímariti  um Dalai Lama sem sagði, "Ég er ekki ofbeldisfull manneskja, en ef fálki kemur á meðan ég er að gefa fuglunum, þá missi ég stjórn á skapi mínu og næ í loftriffilinn minn." Hann var ekki tala um að hann skyti fálkann, einungis að hann skjóti með loftrifflinum nálægt honum til þess að fæla hann frá. Þetta sýnir eigi að síður, hans mannlega eðli OG þá staðreynd að hann verður reiður. Það er mörgum sem finnst að þeir sem eru andlegir eigi að vera óaðfinnanlegir. Það getur samt verið mjög erfitt að dvelja á jörðinni þegar maður er andleg mannvera sem hefur hækkað í tíðni. Því meira sem maður vinnur á innri vandamálum og losar þau út úr sálarminninu, því meira ljós/orku getur maður tekið inn í efnislíkamann. Orkan sjálf getur haft heilmikil áhrif á líkamsformið og það getur verið verulegt álag að taka við orkunni. Já, það er þessi sæluvíma og gleði að tengjast orkunni, en á sama tíma, getur það verið eins og að taka þúsund volt af rafmagni inn í líkamann. Fyrir þá sem upplifa þessa orku getur það verið heilandi/friðsæl upplifun, en fyrir þá sem taka við henni og miðla henni getur það verið mjög þreytandi. Það er ekki mikið rætt um þennan þátt.

Margir skrifa mér og stressa sig yfir þeirri staðreynd að í hærri tíðni þá finnist þeim erfitt að lifa hefðbundnu lífi á jörðinni.  Þeir eru viðkvæmari fyrir hljóðum, hátíðni og öðrum hávaða. Já, þeim finnst að þau eigi að láta af allri reiði og pirringi. Þeim finnst sem þeim sé að mistakast vegna þessa að þau ættu ekki að verða reið og pirruð, vegna þess að það sé ekki andlegt. Eigi að síður, dag einn þegar þið eruð okkar megin blæjunnar ef svo má segja, þá munið þið upplifa hversu erfitt það er að hafa hækkaða tíðni og lifa á mannlegan hátt. Það er ekki auðvelt. Það er vegna þessa sem við miðlum í gegnum mennskt form og komum ekki beint til jarðarinnar, lægri jarðar tíðni ykkar, myndi gereyða orkunni okkar. Okkur væri ekki mögulegt að gegna hlutverki okkar.

Það eru líka til þeir sem skrifa mér og segja að þeir geti ekki haldið aftur af  tilfinningum sínum vegna fyrri lífa minninga. Tilfinningar svo sem reiði, ótti, efi, o.s.frv. Svo hvernig þeir eigi að takast á við það? Það er engin ákveðin leið að takast á við ástandið. Því meira sem maður afhjúpar þetta, eða þá manneskju sem er að skapa þetta ástandi, því meiri orku er hægt að uppræta. Venjulega flýr sálin í burtu þangað til þau eru sett í sömu aðstæður aftur og þrátt fyrir það halda þau áfram að flýja. Þið getið ekki flúið neikvæða orku því það er það sem aðstæðurnar eru og fólk mun halda áfram að koma inn í líf ykkar, til þess að spegla orkuna fyrir ykkur þangað til horfst er í augu við hana og hún er upprætt. Hreinsunin getur stundum tekið langan jarðar tíma.

Ef þið eruð andlegar manneskjur, þá skuluð þið ekki örvænta vegna vantrúar á styrk ykkar, vegna þess að þið getið ekki haft stjórn á tilfinningum ykkar. Þetta tekur langan tíma og mörg jarðar ár að þjálfa. Það er á vissan hátt eins og að læra nýtt tungumál og hætta að nota það gamla. Það er að læra nýtt orku mynstur og leysa út gamla úrgangs orku, sem  hefur haldið aftur af ykkur á ykkar andlegu þroskabraut, í mörgum endurfæðingum.

Umfram allt, gerið eins og Dalai Lama viðurkennið galla ykkar jafnvel þó að þeir sem eru í kringum ykkur ásaki ykkur fyrir það ósamræmi að vera reið, óttast o.s.frv. því meira sem þið reynið að halda aftur af því, því meira mun það brjótast út. Hleypið því út og haldið áfram. Verið mannleg og verið stolt af því. Dag einn mun það ekki vera þarna lengur og þá munið þið kynnast friðsæld.

Maitreya.

Efst á síðu

Kennsla Maitreya

Heim

 

Beint á síðu http://maitreya.co

© Jónína Þorbjörg Gunnarsdóttir netpóstur