Heim
Viska
Heilun
Meistarar
Englar
Gleði
Hugleiðslur
Draumar
Um mig

 

 

Að færast inn í hærri tíðni – 1. hluti

 

16. júlí  2009

Boðskapur Maitreya - miðlað af Margaret McElroy

Nú þegar árið 2012 er að nálgast þá er jörðin að fara inn á tímabil þar sem tíminn eins og þið þekkið hann verður ekki lengur til. Það hefur margvíslegar afleiðingar í för með sér. Eitt af því sem gerist er að efnislíkami ykkar bregst við hækkandi orkutíðni sem er að koma inn á orkusvið jarðarinnar. Þetta orkusvið hefur verið nefnt fótónorkan og er hér í ákveðnum tilgangi. Þessi orkurönd hefur verið að nálgast jörðina frá árinu 1982 og er að hafa ótrúleg áhrif á þá sem eru mótttækilegir fyrir henni. Hún hraðar tímanum eins og þið þekkið hann og færir ykkur að lokum út úr línulegum tíma. Þessi orka er líka ástæðan fyrir því að þúsundir leita í það andlega, fara í allskyns heilanir – á líkama, tilfinningum, huga og andlegum þáttum. Orkan gerir það að verkum að margt fólk sem vinnur venjuleg störf svo sem skrifstofu, - verslunar og verksmiðjustörf og fleira þess háttar er að fara að vinna við heilun í hálfu eða fullu starfi.

Þegar árið 2012 nálgast mun þetta orkuband - vegna þess að þetta er orkuband - koma sífellt nær jörðinni.  Það snýst ekki bara um að skapa vandamál í sambandi við tímann eins og þið þekkið hann, það er líka að hafa áhrif á ykkur líkamlega. Það hafa mjög fáar bækur verið skrifaðar um þetta málefni og þær fáu sem hafa verið skrifaðar eru svo tæknilegar að þið þurfið sérstaka orðabók bara til þess að skilja hugtökin. Það sem fær mig til að skrifa um þetta er að það vantar upplýsingar um þetta. Ég vona að það muni hjálpa mörgum sem eru að vaxa andlega, eru í andlegri leit, eða eru við það að opnast, fyrir skilning á þessum breytingum sem geta orðið vegna orkunnar.

Þessar breytingar eru vegna þess að við í andlega heiminum erum að hjálpa fólki að hækka orkutíðnina sína til þess að þið getið höndlað hina háu tíðni sem jörðin er fara inn í. Þið gætuð hafa tekið eftir því (hver hefur það ekki) að tíminn - eins og þið þekkið hann - er hraðari. Einu sinni höfðuð þið allan heimsins tíma, þið fóruð á fætur á morgnana og tíminn stóð kyrr allan daginn. Þið liðuð í gegnum daginn, réðuð við að gera öll verkefnin og svo í lok dagsins fóruð þið að sofa. Nú eruð þið varla komin fram úr rúminu og það er komið hádegi. Þið spyrjið ykkur, hvert fór dagurinn? Allt í einu er komið kvöld og þið hafið ekki gert neitt af því sem þið voruð búin að ráðgera, tíminn hefur rokið út í loftið.  Ástæðan fyrir þessu er fótónorkan.

Ef þið hafið opnað fyrir það andlega, eruð á ykkar leið, eða eruð það sem kallað er ljósberar (sumir eru nú þegar að vinna fyrir andlega sviðið) þá getið þið verið viss um að þið munið fá eitt eða fleiri af þeim einkennum sem ég ætla að skrifa um á næstu dögum. Þegar orkan breytist á jörðinni þá mun líkami ykkar líka breytast. Margir munu ekki ná að höndla orkuna og munu taka ómeðvitaða ákvörðun um að yfirgefa jörðina, annað hvort fyrir eigin hendi, eða af slysförum.  Það mun verða samkvæmt þeirra eigin ákvörðun hvenær það gerist. Þið sem haldið áfram og farið inn í fótónorkuna, það mun ekki bara verða tíminn sem breytist, það getur líka verið fullt af öðrum einkennum. Ef þú ert ein/n af þeim sem finnur fyrir þessum einkennum, láttu það ekki á þig fá vegna þess að þú ert ekki ein/einn. Þúsundir annarra eru að upplifa þetta.

Það hefur verið rætt um pólskipti jarðarinnar í mörg ár, meiri háttar umskipti sem myndu verða í tengslum við aldamótin.  Jæja, hér eru þau og enginn er undir það búin. Þau eru að gerast, "Krists orkan." Hún er að undirbúa þá sem hafa verið að bíða eftir upphafi nýrrar aldar. Á sama tíma eru breytingarnar "eins og þjófur að nóttu," eins og Kristur talaði um endurkomu sína. Fótónorkan er eins og vírus - hljóðlátur, hann hreyfist hægt um líkamann, bíður þess að komast upp á yfirborðið. Engin er viðbúin og flest fjölmiðlafólk hlær þegar því er sagt frá þessu.

Þessi orka er að hafa áhrif á allar ykkar samskiptaleiðir, rafmagnsvírar, tölvur - í raun og veru öll þau svið þar sem raforka er notuð.  Í að minnsta kosti tveimur tilfellum hefur orðið verulegt spennufall í Bandaríkjunum þar sem ekki hefur verið hægt að rekja orsökina fyrir því. Það er ekki hægt, vegna þess að engin hefur séð neitt þessu líkt áður og það mun vissulega breyta þeim viðhorfum sem þið hafið í sambandi við raforku í framtíðinni. Á næstu þremur árum munu æ, fleiri svæði á jörðinni verða fyrir svona spennufalli og engin getur útskýrt af hverju þetta gerist.

Þeir sem eru innstilltir á fótónorkuna þurfa ekkert að óttast. Þeir munu hafa unnið með sjálfa sig til þess að losa sig við hindranir sínar og eru komnir í hærri andlega vídd, eða tíðni. Þeir munu líka hafa gengið í gegnum mikið af þeim breytingum sem ég minnist á í þessu bloggi, þannig að þeir munu þá vera orðnir stilltir inn á hærri orku. Orkan í fótónorkunni mun ekki hafa áhrif á þá vegna þess að þeir hafa unnið með sjálfa sig - unnið með karmað, horfst í augu við sjálfið og unnið á öllum þeim vandamálum sem hafa blokkerað þá í þessu og öðrum lífum. Lærið að lifa í NÚINU. Hafið ekki áhyggjur af því liðna og af framtíðinni. Þá munið þið eiga auðveldara með að takast á við fótónorkuna.

Hverjar eru svo þessar breytingar sem munu verða og hvernig munu þær hafa áhrif á ykkur? Á næstu dögum mun ég telja upp flest þau einkenni sem verða og ef það er mögulegt, hvernig á að takast á við þau. Sumar breytingar munið þið aðeins þurfa að vinna ykkur í gegnum. Þið munið geta fundið lausnir sem hjálpa ykkur að ráða við aðrar. Í tengslum við þetta megið þið vita að þið eruð að hækka tíðnisvið ykkar til þess að geta ráðið við það tíðnisvið sem jörðin er á. Miðillinn minn veit að það er ekki þægileg upplifun þar sem hún hefur gengið í gegnum þetta persónulega. Hún komst í gegnum það og framtíðar skrif þessa bloggs er handbók þess sem komst af, til þess að hjálpa ykkur að ráða við það líka.

Margaret fór í gegnum miklar breytingar á tólf ára tímabili, frá árinu 1984 til 1996. Það var erfitt tímabil en hún er ánægð að hún komst í gegn um það, vegna þess að hún vann sig í gegnum allar sínar hindranir. Orkustöðvarnar hennar eru núna hreinar og virkar. Ljós flæðir auðveldlega í gegnum líkama hennar hratt og vel. Hún er orðin kraftmikill heilari, hún er skyggnari og hreinni miðill fyrir Krists orkuna. Þessi orka bíður eftir því að flæða í gegnum aðra líka. Hún er kennari, heilari og andlegur ráðgjafi, en hún hefði ekki getað orðið það án þess að ganga í gegnum þessar breytingar. Þið munið ekki verða fær um það heldur. Munið bara að ef þið eruð að fara í gegnum þessar breytingar, þá eruð þið ekki ein. Það eitt ætti að hjálpa ykkur.

Maitreya

Efst á síðu

Kennsla Maitreya

Heim

 

Beint á síðu http://maitreya.co

© Jónína Þorbjörg Gunnarsdóttir netpóstur