Heim
Viska
Heilun
Meistarar
Englar
Gleði
Hugleiðslur
Draumar
Um mig

 

 

 

 

 

 

 

 

Peningar

 

12. febrúar 2010

Skilaboð frá Maitreya - miðlað af Margaret McElroy

Þið haldið svo fast í það sem þið kallið peninga á jörðinni. Það hefur orðið að ykkar Guði. Þið óttist þá, öfundist yfir þeim, þráið þá, en samt gerið þið ykkur ekki grein fyrir því að þeir eru fyrir alla ef þið þekkið bara reglurnar hvernig á að eignast þá.  

Það eru margir sem eru á andlegri braut sem segja, "Það er ekki andlegt að taka við peningum." Hvers vegna er það ekki andlegt? Ættu allir í heiminum að ganga um eins og búdda munkur með betli skálina sína? Skaparinn gaf ykkur nógar orkubirgðir, en þið eruð ekki að nota orkuna á réttan hátt og það er þess vegna sem mörg ykkar eigið við vandamál að stríða.

Til að byrja með, þá takmarkið þið ykkur með huganum. Þið segið aftur og aftur, "ég mun aldrei eignast nógu mikið af peningum" eða einhverjar slíkar neikvæðar staðhæfingar. Með því að segja þessi orð og staðhæfa þau, þá eruð þið að skapa þessar aðstæður. Mörg ykkar berið með ykkur neikvæð afrit frá foreldrum ykkar. Skortur foreldra ykkar, ótti, eða áhyggjur í sambandi við peninga getur oft orðið ykkar.

Ég hef sagt það mörgum sinnum að „sá sem vinnur er verður launa sinna." Allt mannkynið er þess vert að fá laun, en margir vita ekki hvers virði þeir eru. Fyrir nokkrum árum síðan sagði ég miðlinum mínum að verðleggja sig. Hún var að vinna fyrir mjög lítil laun. Hún var ekki ánægð með þetta og fannst hún ekki vera að fá greitt í samræmi við vinnuframlag. Hún hafði lært frumspeki í mörg ár, hafði borgað mikla peninga fyrir bækur (sem við höfðum leitt hana að) sem urðu kennslu verkfæri fyrir hana. Hún gat ekki séð þennan þátt í starfinu sínu, vegna þess að hún valdi að fara í gegnum gagnrýni og neikvæðni á sínum yngri árum til þess að fá hjálp við að stjórna egóinu sem hefur verið vandamál fyrir hana í mörgum jarðlífum. Hún átti ekki auðvelt líf vegna föður síns, hann sagði henni margsinnis að hún væri einskis virði, að hún væri bjáni, heimsk og auli. Hún var með lágt sjálfsmat. Með okkar hjálp -meistaranna – auk eiginmanns hennar- gátum við loksins losað hana undan þeirri tilfinningu að hún væri vonlaus og hún verðlagði loksins vinnuna sína.

Skaparinn gaf ykkur öllum hæfileika. Það er hægt að nota þá hæfileika til þess að afla sér peninga til lífsviðurværis, en margir vita ekki hvar þeir hæfileikar liggja. Þið sjáið ekki einu sinni að þið séuð þess verð að hafa þá.  Mörgum finnst viðbjóðslegt að vinna sér inn og eiga mikið að peningum. Þau tala um kapítalisma, græðgi, og peningagræðgi. En með peningum er hægt að leggja mat á borðið, borga reikninga, kaupa þarflega hluti, eða borga ferðakostnað. Það er skiptimynt fyrir orku annarra hvort sem orkan er efni, huglæg, eða andleg.

Ég hef oft og mörgum sinnum sagt við fyrirspyrjendur, „ef þið eruð með góðar tekjur greiðið þá tíund til einhvers sem þið viljið styðja“ Það gæti verið námsstyrkur fyrir nemanda sem hefur ekki efni á að vera í skóla eða greiðsla fyrir barn í landi þar sem fátækt er mikil. Það gæti verið að þið vilduð gefa í uppáhaldsgóðgerðastofnunina ykkar eða bara gefa einhverjum sem ykkur finnst þurfa þess með, en gefið nafnlaust. Þannig, heldur maður því á andlegum nótum.

Verið ekki hrædd í sambandi við peninga vegna þess að þeir eru kjarninn í öllu lífi. Þið megið vita að mannkynið getur skapað allt sem það þarf og meira en það.  Hins vegar þarf að biðja skaparann, vegna þess að skaparinn veit ekki hvers þið þarfnist fyrr en þið biðjið. Þið getið ekki vænst þess að hann geri það. Þegar þið hafið beðið sleppið þá, þið þurfið bara að biðja einu sinni. Hins vegar, ef þið eruð að gera þetta þá verðið þið að hafa jákvæðar hugsanir um peninga. Ef þið haldið áfram að segja, "ég mun aldrei fá peninga," þá verður það raunin. Ef þið segið, „Ég mun hafa auðæfi í lífi mínu á hverjum degi," þá er það, það sem þið skapið.

Engin sál ætti að þurfa að lifa á velferðarkerfinu, á takmörkuðum hjálparbótum, eða þurfa að lifa á götunni nema þeir kjósi að gera það. Það er nóg fyrir alla. Það er bara spurning um að biðja og svo að hafa þolinmæði til þess að sjá það verða að veruleika. Prófaðu það - þú verður undrandi á hvað gerist.

Hættið að hugsa "fátækt." En hvað ef foreldrar ykkar voru fátækir? Þið þurfið þess ekki! Þið getið átt eins mikil auðæfi í lífinu eins og þið skapið á hverjum degi með hugsunum ykkar, tilfinningum og orðum - í framtíðar raunveruleika ykkar. Byrjið á því að skapa jákvætt í stað þess neikvæða. Búið til ykkar eigin auðæfi héðan í frá.  

Maitreya.

 

Efst á síðu

Kennsla Maitreya

Heim

 

 

 

Beint á síðu http://maitreya.co

© Jónína Þorbjörg Gunnarsdóttir netpóstur