Heim
Viska
Heilun
Meistarar
Englar
Gleði
Hugleiðslur
Draumar
Um mig

 

 

 

 

 

 

 

 

 

 

 

 

 

 

 

 

 

 

 

Að anda léttar

 

Aurora - miðlað af Karen Downing

17. Mars 2012

Á síðustu mánuðum hafið þið farið að sjá þess merki að það sé eitthvað að breytast í lífi ykkar. Sumar breytingarnar hafa orðið við það að sleppa gamalli orku, aðstæðum og jafnvel fólki sem er ekki lengur þarna fyrir ykkar æðsta tilgang. Sumar breytingar fara með ykkur út úr þægindahringnum, að nýjum stöðum, nýju fólki og nýjum ævintýrum. Þessar breytingar hafa ekki verið auðveldar.

Þið munið þó fljótlega fara að anda léttar, ekki vegna þess að breytingaferlið hætti heldur vegna þess að það verður frekar eins og þið finnið loksins að þið séuð fær um að ná utan um breytingarnar í lífi ykkar. Hröðun tímans heldur áfram og hvern dag líður ykkur eins og þið hafið varla komist í gegnum skipulagið ykkar (eða jafnvel að þið væruð ekki fær um að byrja).  

Hluti af þessum breytingum, er til þess að þið lærið að láta af stolti ykkar og tilfinningu fyrir því að vera við stjórn. Þetta tvennt eru helstu verkfæri sjálfsins. Þversögnin við þetta er að þegar þið hættið að hafa þörf fyrir að stjórna, þá eruð þið í raun með meiri stjórn! Það er auðvelt að gleyma því að þið settuð af stað áætlun áður en þið fæddust í þessu lífi, þar sem þið voruð búin að ákveða hvað þið ætluðu að upplifa í lífinu.

En, þegar þið farið að lifa lífinu, þá getið þið ekki alltaf munað öll smáatriðin sem þið völduð fyrir ykkur sjálf. Og, þetta "sálar minnisleysi" getur valdið tilfinningu fyrir andstöðu við þetta val. Það þarf líka að berjast við sjálfið og það mun gera sitt besta til þess að reyna að hafa stjórn á vilja æðra sjálfsins. Það er barátta sem mörg ykkar eruð að há þessa stundina.  
Sjálfið vill halda að það sé við stjórnina og það notar stjórnun sem leið til þess að halda ykkur í burtu frá ótta. (Eins og: "Ekki gera þetta, vegna þess að eitthvað slæmt gæti gerst)." Æðra sjálfið hefur ekki áhyggjur af neinu, það fylgir einfaldlega flæði lífsins, það treystir á áætlunina sem þið hafið þá þegar búið til.

Breytingarnar sem þið eruð að upplifa núna í lífi ykkar eru að aðstoða ykkur við að losa orku sjálfsins og að ganga meira í skóm æðra sjálfsins. Ferlið í því að skipta frá einu til annars er ekki auðvelt, en þegar æðra sjálf ykkar er staðfast við stjórnina, þá getið þið svo sannarlega byrjað að anda léttar.

Það getur verið að þið séuð að spá í, hvernig það er þegar æðra sjálfið er við stjórn?
Í fyrsta lagi, þá eruð þið sátt við ykkur sjálf. Þetta þýðir ekki endilega að þið séuð alltaf ánægð, það þýðir bara að þið eruð eitt með lífi ykkar. Í öðru lagi, æðra sjálfið spyr ekki um sjálft sig, það er aðeins sjálfið sem hefur tilfinningar efa og vantraust. Æðra sjálfið er ekki heft af svörunum sem það gefur. Það talar sinn sannleika hljóðlega og greiðlega. Það er í friðsæld.

Til þess að geta andað léttar getur maður þurft að fara í gegnum ógnvekjandi leið til þess að losa út djúpan ótta og viðhorf úr undirvitundinni. Að fara inn í þessa orku og sleppa henni er ekki auðvelt og þetta er einmitt það sem margir eru enn að fara í gegnum þessa stundina.

Hins vegar, munið þið núna fyrst byrja að sjá hvernig ykkar eigin aðferðir við að sleppa er að skila sér í ykkar lífi. Þetta getur átt við að áform sem voru löngu plönuð fari að komast á skrið, að ný tækifæri fari að birtast eða þá að þið fáið afgerandi "a-ha" augnablik sem breyta algerlega lífsleiðinni ykkar enn einu sinni. Þetta eru tákn og boðsendingar frá æðra sjálfinu til að hvetja ykkur til þess að snúa ykkur að tilganginum.

Hin nýja orka sem er að flæða yfir jörðina hefur örugglega valdið því að sumar lífsáætlanir ykkar hafa breyst, ekki tilgangurinn heldur í háttum. Þetta var stór hluti af þeirri orku sem var hrist upp í síðari hluta ársins 2011. En, núna hafa þessir nýju hættir verið skapaðir og nýjar leiðir eru að mótast. Bráðum munið þið ekki bara finna þann trausta grunn sem er undir fótum ykkur á leið ykkar heldur munið þið einnig sjá hvert það er að leiða ykkur.  

Gömlu blæjunni hefur nú endalega verið lyft og nýja orkuvíddin hefur loksins komið í ljós. Treystið því bara að fætur ykkar muni einungis lenda þar sem þeir þurfa og gerið ykkar besta til þess að treysta leiðinni framundan. Leið æðra sjálfsins mun alltaf fara með ykkur á stað sem endurnærir hið innra þar sem ykkur finnst þið vera heima.

Love, Aurora

 

Efst á síðu

Aurora sister

Heim

 

 

© Jónína Þorbjörg Gunnarsdóttir netpóstur