 |
|
 |
|
 |
|
 |
|
 |
|
 |
|
 |
|
 |
|
 |
|
 |
|
Viska Maitreya
Þessi vefsíða var upphaflega stofnuð til að miðla boðskap frá andlegum kennara sem kallast meistari Maitreya. Talið er að hann hafi verið sá sem stóð að baki Jeshua (Jesú) þegar hann færði jarðarbúum Krist orkuna og Krist vitundina og hugsanlega er þetta sama vitundin.
Boðskapurinn sem Maitreya hefur miðlað í gegnum Margareti McElroy og ég hef þýtt yfir á íslensku, er aðgengilegur á þessari síðu.
Margaret McElroy var þekktur miðill í fyrri jarðvist og stofnandi Guðspekifélagsins. Í þeirri jarðvist miðlaði hún visku margra uppljómaðra meistara, eins og Maitreya,
St. Germain, Maha Cohan og fleiri. Þá hafði hún boðskapinn svo flókinn að fáir skildu hann. Hún kom því aftur í jarðvist sem miðill og helgaði líf sitt því að miðla visku, þekkingu og orku meistara Maitreya. Í þetta skipti hefur hún sett boðskap hans fram á einfaldari og skýrari hátt þannig að hann er auðskilin fyrir alla.
Maitreya hefur sagt að það skipti ekki máli hver hann er, heldur boðskapurinn og hvernig hann getur aðstoðað fólk við að átta sig á því sem margir meistarar og spekingar hafa bent á í gegnum tíðina - að við erum öll, hvert og eitt, okkar eigin meistarar.
Það sem vakti áhuga minn á boðskap Maitreya var hversu sterk og kærleiksrík orka boðskapsins er, sem ég gat skynjað í gegnum vefsíðuna sem Margaret hélt úti ásamt þáverandi eiginmanni sínum. Hún byrjaði að deila miðluðu efni út á vefsíðunni um 1999, rétt fyrir aldamótin.
Boðskapurinn, sem var oft mjög stuttur - stundum varla hálf blaðsíða - var bæði einfaldur og hrífandi, en um leið kraftmikill og áhrifaríkur. Það eitt að lesa bréf í róleg heitum og taka efnið inn veitt mér ávallt vellíðan, ró og innri frið. Boðskapurinn endurómaði oft við það sem ég uppplifði sem minn sannleika. Þó að ég næði ekki alltaf að skilja merkingu hans við fyrsta lestur, þá kom skilningurinn yfirleitt þegar ég las aftur yfir eða eftir smá tíma.
Þegar ég heimsótti Margreti í Seattle og sat miðlun hjá henni, þar sem hún miðlaði meistaranum Maitreya, fann ég svo sterkt fyrir kærleiksorkunni að ég fann hita í hjartastöðinni og tárin streymdu. Margaret yfirgaf líkamann sinn og orka Maitreya kom inn, tjáði boðskap sinn og umbreytti allri orkunni á staðnum með sinni orku. Bréfin og boðskapurinn hafa hjálpað mörgum, og hef ég oft fengið bréf frá fólki sem segir að þessi boðskapur hafi bjargað þeim og hjálpað á margan hátt. Þess vegna er síðan mín ennþá aðgengileg með boðskap Maitreya ásamt öðru efni.
Efst á síðu
© Jónína Þorbjörg Gunnarsdóttir netpóstur
