 |
|
 |
|
 |
|
 |
|
 |
|
 |
|
 |
|
 |
|
 |
|
 |
|
Innsæið
Til að ná árangri í hvaða verkefni sem er, vitum við að við þurfum að æfa það aftur og aftur þar til okkur tekst það.
Sama á við um innsæið – til að efla það verðum við að taka eftir þeim skilaboðum sem það sendir okkur og fylgja þeim eftir. Við þurfum að hlusta á og taka eftir skilaboðum þess helst daglega, eða hvert augnablik. Það er nokkuð öruggt að innsæið eða rödd hjartans dregur athyglina að einhverju sem skiptir máli.
Stundum segjum við að við “fáum eitthvað á tilfinninguna,” en þetta snýst líka um drauma – að við tökum eftir þeim og reynum að túlka þá sjálf eða að fáum hjálp frá öðrum við að ráð þá. Að segja frá draumum getur líka orðið til þess að draumurinn skýrist og ráðning verður ljós. Það snýst um að finna í hjartanu hvað sé rétt.
Oft finnum við fyrir hlýju eða gleði innra með okkur þegar við upplifum að eitthvað sé rétt, jafnvel svo sterkt að heilunarorka fyllir okkur þegar við tökum ákvarðanir sem eru í takt við vilja sálarinnar.
Við getum fengið svör við öllum spurningum ef við bara spyrjum. Svörin geta birst á allra handa máta. Það gæti verið að bók kæmi óvart upp í hendurnar á okkur sem kemur með svörin, eða það gæti komið upp vefsíða sem við þurfum að lesa. Það gæti blikkað skilti út á götu, eða númer á bíl gæti táknað eitthvað sem svarar spurningu. Við gætum jafnvel hitt einhvern óvænt sem gefur svörin. Möguleikarnir eru endalausir.
Ef við viljum styrkja og skerpa okkar eigið innsæi þurfum við að hlusta á rödd hjartans, sýna traust þegar innsæið leiðir okkur áfram, og fylgja þeim skilaboðum sem koma til okkar. Innsæið stýrist af æðra sjálfinu og sálinni, sem veit nákvæmlega hvað við þurfum að vita á hverjum tíma. Þar sem æðra sjálfið leiðir okkur stöðugt í rétta átt þá mun það einungis gefa okkur upplýsingar sem verða til góðs.