 |
|
 |
|
 |
|
 |
|
 |
|
 |
|
 |
|
 |
|
 |
|
 |
|
Lífsspegill
1. júlí 2014
Spegill dagsins: Þegar ég var í hlutverki fórnarlambsins gerði ég mér enga grein fyrir því hversu grimm ég gat verið. Ég áttaði mig ekki á því hversu mikið ég særði og meiddi þá sem voru í kringum mig.
Spegill dagsins: Þegar ég var í hlutverki bjargvættsins skildi ég ekki að aðrir væru ekki á sama stað og ég. Þeir voru oft ekki tilbúnir að þiggja þá björgun sem mér fannst henta þeim. Ég áttaði mig ekki á því hversu mikið ég særði og meiddi þá með þessu og hvernig reiðin, vonbrigðin og fjarlægðin sem ég uppskar, urðu aðskilnaður frá þeim sem mér þótti vænt um.
Spegill dagsins: Í hlutverki fórnarlambsins þráði ég ást, hlýju og samúð. En vegna brodda reiðinnar sem umluktu mig komst enginn að mér. Jafnvel þegar ég brotnaði niður og grét, átti ég það til að ýta fólki frá mér. Undir þessum djúpa sársauka var þrá mín eftir ást, samúð og skilning – þráin eftir því að einhver tæki utan um mig, huggaði mig og veitti tárum mínum og sársauka athygli.
© Jónína Þorbjörg Gunnarsdóttir joninath@viskaoggledi.is