Heim
Viska
Heilun
Meistarar
Englar
Gleði
Hugleiðslur
Draumar
Um mig

 

 

 

Svörin hið innra

 

9. janúar 2021

Það er margt að gerast á þeim tímum sem við erum á núna og mikið af efni á netinu sem flæðir til okkar á allskyns miðlum. Eftir því sem efnið verður meira því erfiðara eigum við með að greina í sundur hvað er rétt og hvað er rangt, hvað er rétt og hvað er uppspunnið, eða hverju er verið að halda leyndu. Það eru afstöður í himintunglunum sem eru að valda því að það er eins og þoka yfir öllu og þannig er engin leið að finna út úr hlutunum hið ytra. Ein leiðin til þess að halda ró sinni á meðan á þessu stendur er að vera í tengingu við sitt æðra sjálf, leiðbeinendur og engla með því að fara inn á við og finna þau svör sem við þurfum á að halda. Reynum að fara ekki í óttann og halda að við getum fundið svörin hið ytra, við getum það ekki því þau eru svo misvísandi, núna er bara komið að því að við þurfum á því að halda að treysta okkar eigin leiðsögn og innsæi og vera vakandi í því sem er núna.

Núna er líka tækifærið að sleppa gömlum mynstrum, gömlum skilyrðingum sem við höfum haldið í af því að við lærðum það einhvern tíman. Það er tækifæri til að losa sig við gömul viðhorf, gamlar ímyndir, hugmyndir og skoða hvar við höfum sterka mótspyrnu og af hverju sú mótspyrna er til staðar.

Það hefur aldrei verið eins mikilvægt eins og núna að staldra við og ákveða að halda sig sem mest utan við dramantíkina, eða kaosið sem er í gangi, hvort sem það er í nærumhverfi eða lengra í burtu. Látum heldur ekki draga okkur inn í deilur og vandamál sem aðrir eru að takast á við, þetta er ekki okkar líf og þess vegna erum við ekki að takast á við það núna, þannig að við þurfum ekki einu sinni að hafa skoðun á þvi. Það er kannski ekki alltaf auðvelt að halda sig utan við hristinginn eða kaosið á meðan á breytingum stendur en það er nauðsynlegt til þess að fara í gegnum um það á léttari máta. Við getum verið viss um að við fáum leiðsögn og við erum á réttum tíma á réttum stað ef við erum í flæðinu og treystum. Verum líka meðvituðum um að halda í það fallega og góða eins og náttúruna og allt það sem hún gefur okkar og einnig allt það fagra sem er í kringum okkur.  

 


 

Efst á síðu

Ýmislegt

Heim

 

 

© Jónína Þorbjörg Gunnarsdóttir hafa samband