 |
|
 |
|
 |
|
 |
|
 |
|
 |
|
 |
|
 |
|
 |
|
 |
|
Þið þurfið bara að biðja einu sinni,
alheimurinn er ekki heyrnarlaus!
24. október 2000
Skilaboð frá Maitreya - miðlað af Margaret McElroy
Hvert ykkar er á sinni leið til að reyna að losa sig frá jörðinni, að losa sig út úr stöðugri hringrás endurfæðinga sem þið hafið verið í svo lengi. Þessi vefsíða (Maitreya) og reglulegar uppfærslur sem verða á miðluðu efni munu gera ykkur þetta mögulegt. Það er engin auðveld leið til að losa sig út af karmahjólinu. Það krefst mikillar vinnu, aga, staðfestu og baráttu á milli lægra og æðra sjálfsins. Hins vegar er baráttan algjörlega þess virði, því þeir sem ná þessu markmiði þurfa aldrei að snúa aftur til jarðarinnar.
Í mörg ár hefur Margaret helgað líf sitt andlega heiminum. Leið hennar hefur ekki verið auðveld, stundum hefur hún meira að segja verið mjög erfið. Þessi vinna laðar að mikið af efasemdar fólki og mikið af fólki sem getur ekki trúað því að ég myndi miðla með slíkri manneskju. Þessi síða fær mikið af haturspósti og mikla gagnrýni á þann boðskap sem þar er settur fram. Samt hikar miðillinn minn aldrei. Sú hollusta var verðlaunuð nýlega á þann hátt sem hefur gert miðlinum mínum kleift að kaupa fyrstu Maitreya-kennslumiðstöðina. Þetta verður ein af mörgum miðstöðvum í heiminum, með eða án íbúðarhúsnæðis, fyrir þá sem þurfa að koma inn í orkuna mína, þjálfa sig í frumspeki eða vilja einfaldlega losna undan því veraldlega í smá tíma.
Húsið fyrir þessa kennslu er fundið. Það er staðsett innan um ástralska runna; þetta hús er staður endurnýjunar og umbreytingar á svo margan hátt. Það verða fljótlega birtar upplýsingar um það á vefnum. Það hefur lengi verið draumur miðilsins míns að stofna slíka miðstöð. Nú hefur sá draumur orðið að veruleika. Það var nauðsynlegt fyrir mig að þjálfa hana á minn hátt og til þess þurfti hún að læra mikinn aga. Það sama á einnig við um eiginmann hennar. Við sendum þau út úr þægindahringnum þeirra, inn í hina fallegu orku á Nýja-Sjálandi. Við þjálfuðum bæði miðilinn og eiginmann hennar í þau átta ár sem þau bjuggu þar. Það var oft á tíðum strangt og erfitt fyrir þau bæði. Þau voru vön hinu ljúfa lífi, lífi sem einkenndist af vellíðan og þægindum. Það var tekið frá þeim, og þau lærðu að sleppa sjálfinu og vinna með okkur og meisturum á öllum stigum. Þau langaði oft að gefast upp, en þau gerðu það ekki og eru nú stolt að segja frá því að þjálfun þeirra sé lokið. Margaret útskrifaðist í júní 1999 og eiginmaður hennar á þessu jarðarári. Þau þurftu að læra að sleppa sjálfinu á allan hátt. Þannig er nú þjálfunin fyrir „Master of Metaphysics course“ orðin að kennsluefni.
Margir vilja losna af jörðinni, en þegar tækifæri gefst finnið þið allskyns afsakanir til þess að komast hjá því. Ef þið gerið það bara án þess að hika eða efast, þá megið þið vita að allt sem þið gerið og allt sem það kostar mun skila sér aftur, ef þið eruð sannfærð um það.
Miðilinn minn og eiginmaður hennar, hafa unnið launalaust með okkur í gegnum tíðina. Þið munið ekki finna leyni bankareikninga hjá þeim, allt sem þeim hefur verið gefið hafa þau gefið til baka til notkunar fyrir okkur. Það er sönn hollusta. Þau hafa aldrei liðið skort og við höfum séð þeim fyrir öllum þeirra þörfum, flugmiðum, húsnæði og peningum fyrir öllum reikningum. Eina sem þau hafa ekki haft, eru peningar til þess að gera það sem þau langar til að gera. Nú hefur það verið launað vegna þess að þau treystu, við gáfum þeim verðlaun og þau verðlaun eru þarna fyrir hvert og eitt ykkar þegar þið hættið að efast og farið að treysta.
Ef þið mynduð bara sleppa og leyfa okkur að leiða ykkur og leiðbeina, eins og miðillinn minn og maðurinn hennar gerðu, lærðuð að sleppa sjálfinu og þjóna andlega heiminum. Þegar þið gerið það, þá mun líf ykkar breytast til hins betra. Það þarf að læra margar lexíur og margt þarf að gera. Hins vegar er umbun, en þið verðið að vinna fyrir henni. Þegar hún kemur, þá er hún sannarlega þess verð
Biðjið alheiminn um að aðstoða ykkur og sleppið síðan og leyfið honum að leiða ykkur. Þið þurfið bara að biðja einu sinni. Eins og Margaret segir réttilega við nemendur sína: „Alheimurinn er ekki heyrnarlaus!“ Það tekur bara smástund að segja frá því sem þið viljið skapa. Látið alheiminn um að aðstoða ykkur.
Maitreya.
Beint á síðu http://maitreya.co
© Jónína Þorbjörg Gunnarsdóttir netpóstur