Heim
Viska
Heilun
Meistarar
Englar
Gleði
Hugleiðslur
Draumar
Um mig

 

 

 

 

 

 

 

 

 

 

 

Hvað þarf maður að gera til þess að vera andlegur?


19. nóvember 2000

Skilaboð Maitreya -miðlað af Margaret McElroy

Ég var spurður að því nýlega hvað þurfi að gera til að vera andlegur.

Það að vera andlegur snýst um að vera sátt/sáttur við sjálfa/sjálfan sig. Það snýst líka um að vera algjörlega heiðarleg/heiðarlegur við sjálfa/sjálfan sig og aðra. Það er um að vera hamingjusöm/hamingjusamur og ánægð/ánægður með lífið og sjálfa/sjálfan sig. Ef þið eruð vansæl í lífinu, þá mun sú vansæld hafa áhrif á líf ykkar á einhvern hátt. Lífinu er ætlað að vera ánægjulegt. Samt ganga margar sálir um á jörðinni í vanlíðan og óhamingju. Þær eru í myrkrinu vegna þess að þær sjá ekki ljósið. Samfélagið hefur komið því inn hjá þeim að það sjáanlega sé það eina sem sé raunverulegt, en það er ekki allt sem sýnist, lífið er miklu meira en það. Það eru samt margar sálir sem geta ekki séð neitt, þær eru uppteknar í leik lífsins, sem í þeirra augum er vanlíðan og óhamingja.

Fyrsta skrefið í því að vera andlegur er að segja sinn sannleika, jafnvel þó að maður viti að öðrum líki ekki það sem maður hefur að segja. Næsta skref er að skoða líf sitt og vera óhrædd að breyta því ef þið eruð ekki ánægð með það. Þriðja skrefið er að hafa fulla trú á því að við í andlega heiminum séum til staðar til þess að leiða og leiðbeina ykkur þegar þið hafið losnað úr óttanum. Fjórða skrefið er að sleppa gömlum hugmyndum, öllu sem aðrir hafa komið inn hjá ykkur í gegnum tíðina og í fyrri lífum og skipta því út fyrir nýjan hugsunarhátt. Hugsunum sem koma frá æðra sjálfinu. Og umframt allt verður maður að vera hamingjusamur. Hamingjan er lykillinn að því að verða andlegur. Maður getur ekki verið andlegur og óhamingjusamur, það fer ekki saman.

Það er á þessum tímapunkti sem lægra sjálfið segir til sín og byrjar að berjast, það dregur ykkur aftur inn í gamla þægindahringinn og þið dragist með því til baka í óttanum.

Það er ekki auðvelt að opna fyrir því andlega og leyfa andanum að leiða ykkur og leiðbeina. Sjálfið hefur svo lengi hagað sér eins og því sýnist, en það andlega er líka að reyna að leiða ykkur og leiðbeina í gegnum innsæið að nýju upphafi. Það er hægt að vinna sigur í orrustunni með þrautseigju. Tilgangur ykkar á þessari jörð er að sigra lægra sjálfið. Jákvæðar hugsanir skapa hamingju. Þið getið komist út úr myrkrinu hægt og örugglega. Það getur stundum tekið langan tíma vegna lægra sjálfsins sem kemur af stað baráttu. Það er þó friður og hamingja í lok baráttunnar sem engin leið er að lýsa. Það eru verðlaunin.

Það eru til fullt af sögum um sálir sem hafa gengið í gegnum baráttu og komist í gegn. Þessar sálir eru leiðandi ljós fyrir þá sem eru í myrkrinu vegna þess að þær segja: "Ég sigraði það neikvæða, ég komst í gegn, oft við mjög erfiðar aðstæður." Mér tókst það.
Þetta er hægt með því að taka eitt skref í einu. Þið eruð vissulega á ykkar leið ef þið getið gert það.

Maitreya.



Kennsla Maitreya

Efst á síðu

Heim

 

Beint á síðu http://maitreya.co

© Jónína Þorbjörg Gunnarsdóttir netpóstur