 |
|
 |
|
 |
|
 |
|
 |
|
 |
|
 |
|
 |
|
 |
|
 |
|
Dómar um aðrar sálir
4. Október 2003
Skilaboð frá Maitreya -miðlað af Margaret McElroy
Hversu gagnrýnin/gagnrýninn ert þú? Ert þú ein af þeim sálum sem er alltaf að dæma aðra? Finnst þér að þú sért sá eini/sú eina sem hefur svörin? Snýst þetta um að vera öfundsjúk/öfundsjúkur, reið/reiður út í einhvern, gröm/gramur út í lífið, eða út í það sem aðrir eru að gera? Þú getur ekki haldið áfram á andlegu leiðinni fyrr en þú hefur hreinsað þetta allt út úr orkunni þinni. Það er ekki erfitt að gera þetta þegar þú stillir hugann á að takast á við eitt í einu. Margar sálir reyna að gera þetta allt á sama tíma, en framfarir verða smám saman með því að takast á við eitt í einu.
Sannur meistari dæmir ekki aðra sál. Hann skilur að þetta eru karma/lexíur/aðstæður á þeim tíma. Sannur meistari beinir athyglinni að sínum eigin ófullkomleika og vinnur með sig áður en hann reynir að vinna með aðra. Hversu margar klukkustundir á dag ert þú óánægð/óánægður? Veistu að þér er ekki ætlað að vera óhamingjusöm/óhamingjusamur? Þú skapar þinn eigin raunveruleika, líf þitt er blekking, en lægra sjálfið mun ekki leyfa þér að sjá í gegnum það. Þú ert leikari á sviðinu og sérhver sál sem kemur inn í líf þitt er leikari í leikritinu þínu. Þegar þú hækkar tíðnina þá verður þú meðvitaðri um þá blekkingu og um leið og þú verður meðvituð/meðvitaður um þetta þá kemur hæfileikinn til þess að láta af þeirri blekkingu.
Þið spyrjið mig oft: „Hvernig get ég hækkað tíðnina mína?" Og ég segi við ykkur, einbeitið ykkur að ykkar eigin lífsáætlun, eigin lærdómi og villum sem hafa oft verið gerðar í fyrri lífum. Þegar þið getið gert þetta þá getið þið haldið áfram að verða þær sálir sem ykkur er ætlað að vera og lifa því lífi sem ykkur er ætlað.
Maitreya.
Beint á síðu http://maitreya.co
© Jónína Þorbjörg Gunnarsdóttir netpóstur