 |
|
 |
|
 |
|
 |
|
 |
|
 |
|
 |
|
 |
|
 |
|
 |
|
Boðskapur Maitreya fyrir árið 2015
Boðskapur Maitreya miðlað af Margaret McElroy
Þar sem jarðarárið 2015 er að ganga í garð, munið þá að þið eruð hvert og eitt, einstök orka. Þið eruð ekki gerð til þess að vera hluti af lífi einhvers annars, heldur lifa ykkar eigin lífi. Margir eyða öllum sínum tíma í að skipta sér af lífi annarra, eða lifa lífinu þeirra.
Hvað meina ég með þessu? Það sem ég er að tala um er að þegar þið skiptið ykkur af sálarþroska annarra með því að reyna að segja þeim hvað þau eigi að gera með líf sitt, í stað þess að horfa á ykkar eigið líf. Stundum reynið þið jafnvel að lifa lífinu þeirra fyrir þau, í stað þess að leyfa þeim að lifa sínu eigin lífi. Þið reynið að gera hluti fyrir þau sem þau ættu að gera sjálf. Þetta er þeirra líf, hvort sem ykkur líkar það betur eða verr, þetta er þeirra karma, lexíur og sálarþroski og þau ættu að fá að sjá um það í friði.
Í hvert skipti sem þið aðstoðið einhvern við að gera eitthvað, þá eruð þið að stoppa þau í að gera það á þann hátt sem þau kusu áður en þau fæddust. Þið truflið þau í vali sínu, á hvern hátt þau ákváðu að gera þetta á jörðinni. Þið skapið síðan aðstæður þar sem þau læra ekki lexíurnar sína og þurfa að fæðast aftur til þess að læra þær. Þið áttið ykkur ekki á þeim vandræðum sem þið komið þeim í. Sumar lexíur eru mjög erfiðar og það er sárt að horfa upp á fólk, sérstaklega þá nánustu, þjást eða vera í vandræðum, en þetta er það sem þau hafa valið að gera fyrir sinn sálarþroska. Það er svo auðvelt að þiggja hjálp þegar hún stendur til boða, það er ekki auðvelt að segja, "nei."
Reynið að gera nýja árið, árið 2015, að því ári sem þið skoðið ykkar eigið líf en ekki einhvers annars. Reynið að bjóða ekki fram aðstoð þegar það eru erfiðleikar. Biðjið um aðstoð stjörnuspekings ef þið haldið að það sé karmískt að bjóða fram aðstoð vegna endurgreiðslu skulda frá fyrra lífi. Ef þið finnið það í hjartanu, að það er án tilfinninga, þá finnið þið það út frá innsæinu að það er rétt, þá getið þið veitt aðstoð, en fullvissið ykkur um að það séu ekki tilfinningarnar sem eru að spila þarna inn í. Heimurinn breytist ekki á meðan fólk er ekki takast á við sínar lífs lexíur og taka eigin ákvarðanir. Það er mikilvægt að takast á við sín eigin vandamál sem hafa verið valin áður en komið er til jarðarinnar.
Finnið til samúðar, já, en ekki stoppa sál í því að læra lexíurnar sínar, eða endurgreiða sitt karma. Munið einnig, að ekkert ykkar er eins og einhver annar, hvert ykkar er einstök sál sem er ólík öllum öðrum. Það sem hentar þér, þarf ekki að henta öðrum, ekki reyna að krefjast þess að fá að aðstoða aðra, svo mörg ykkar troðið hjálp ykkur upp á aðra sem þau vilja ekki, en þora ekki að segja "nei." Munið að ef þið gerið það, þá eruð þið mögulega að stoppa þau í að tala sinn sannleika, það getur skapað hjá þeim orku ótjáðra orða í hálsstöðinni, sem getur aftur skapað vandamál í þessu lífi eða jafnvel í annarri jarðvist. Þú hefur ekki hugmynd um hvað þú gerir vegna þrásækni þinnar í að þau taki á móti þinni aðstoð eða geri það sem þú stingur upp á.
Sérhver sál veit hvað hún ætti að gera; stundum stoppar þú hana í að gera það með afskiptasemi þinni.
Gerðu árið 2015 að þínu ári, ári sem þú finnur út hvað hentar þér og engum öðrum. Ekki vera hrædd/ur við að sjá sjálfa/n þig, það er stór sál sem getur viðurkennt að hún hafi galla; hún er ekki fullkomin og hefur gert mistök í fortíðinni! Eitt það versta sem þú hefur á andlega veginum þín er stolt, vegna þess að það er takmörkun á sannleikanum. Vertu, sjálfum þér trúr /sjálfri þér trú!
Þó að við í okkar heimi fögnum ekki nýju ári eins og þið, þá höfum við þekkingu á því. Þetta er mjög mikilvæg hátíð fyrir ykkur á jörðinni, tími til að líta til baka og hugsa um framtíðina.
Mundu að þessi endurholdgun er um ÞIG, ekki um neinn annan. Horfðu á sjálfa/n þig 2015 og lærðu lífs lexíurnar þínar, ÞÍNAR, ekki annarra.
Maitreya
Beint á síðu http://maitreya.co
© Jónína Þorbjörg Gunnarsdóttir netpóstur