 |
|
 |
|
 |
|
 |
|
 |
|
 |
|
 |
|
 |
|
 |
|
 |
|
Af hverju er ég með dökkan húðlit?
9. júlí 2004 -
Skilaboð frá Maitreya miðlað af Margaret McElroy
Á síðustu mánuðum hef ég oft verið spurður: „Af hverju fæddist ég með dökkan húðlit?“
Mér finnst þetta vera spurning sem margir spyrja og ég vona að þetta fréttabréf hjálpi til við að útskýra það. Byrjum á því að fjalla um húðlitinn.
Í upphafi þróaðist húðliturinn til að vernda húðina í heitum löndum. Þykkt húðarinnar var einnig hluti af þessari vernd. Hugsið ykkur manneskju eins og miðilinn minn með ljósa húð ef hún væri í Afríku – hún myndi brenna upp innan nokkurra klukkustunda og líða mjög illa! Þessi húðlitur er til verndar, ekkert annað.
Í öðru lagi eru persónulegar ástæður fyrir því að fæðast með dökkan húðlit. Ein af þeim sálum sem ég hef verið í sambandi við var þrælakaupmaður í fyrra lífi. Hann meðhöndlaði dökkt fólk eins og dýr og stundaði viðskipti með þau sem slíkt. Vegna þess að hann hafði enga samúð með fólki með dökkan húðliti kaus hann að fæðast með dökkan húðlit í núverandi lífi til þess að læra samkennd og fá skilning á því hvernig það er að vera dökkur. Hann hefur lært margar dýrmætar lexíur af þessari reynslu og er betri og vitrari sál vegna hennar.
Margar sálir fara í líkama með dökkan húðlit til að upplifa það. Aðrar hafa átt fyrri líf þar sem þær hafa ærumeitt dökkt fólk, farið illa með það eða sýnt því óvirðingu, og þær hafa kosið líkama dökkrar manneskju til að upplifa hvernig það er að láta koma þannig fram við sig. Þeir sem kvarta mest um aðstæður sínar og húðlit í lífinu eru yfirleitt þeir sem hafa ekki borið virðingu fyrir og hafa misþyrmt sínum líkum í fyrra lífi. Húðlitur er engin vísbending um greind. Allir sem eru dökkir eru gáfaðir. Í raun og veru hafa margir þeirra mjög háa greindarvísitölu. En vegna sögunnar, vantrausts á sjálfum sér, skorts á sjálfstrausti og sjálfsvirðingu vegna þess að þeir eru dökkir eða vegna litarháttar síns, þá gera margir sér ekki grein fyrir þeim hæfileikum sem þeir hafa.
Það er ekki líkaminn sem er mikilvægur, líkaminn er aðeins farartæki fyrir sálina. Það er sálin sem skiptir máli. Horfið á sálina, ekki líkamann. Sjáið hvernig hinn frábæri Martin Lúther King var. Hann lét ekki dökkan húðlit hindra sig í því að ávinna sér hátt sálarstig. Sjáið Nelson Mandela! Sjáið hvað hann ávann sér þrátt fyrir fangelsisvist og dökkan húðlit. Nei, það er sálin sem skiptir máli, líkaminn er aðeins farartæki til að bera sálina í gegnum lífið, ekkert annað. Lítið framhjá húðlitnum, hann er ekki mikilvægur.
Maitreya
Beint á síðu http://maitreya.co
© Jónína Þorbjörg Gunnarsdóttir netpóstur