 |
|
 |
|
 |
|
 |
|
 |
|
 |
|
 |
|
 |
|
 |
|
 |
|
Láttu ekki aðra stoppa draumana þína
Skilaboð Maitreya - miðlað af Margaret McElroy
Margir eyða miklum tíma í að hafa áhyggjur af vinum og fjölskyldu, þótt allar heimsins áhyggjur geti ekki breytt örlögum þeirra. Sumar sálir kjósa að upplifa erfiðleika og baráttu í lífinu, og þegar þú hefur áhyggjur af þeim skaparðu oft ótta og verri aðstæður með þessum hugsunum. Þú áttar þig kannski ekki á því að með áhyggjum og ótta ert þú í raun að hindra þau í að læra mikilvægar lífslexíur sem styðja við sálarþroska þeirra.
Allar sálir velja sínar eigin lífslexíur. Það getur verið mjög erfitt að læra þær, en þegar þeim er lokið þýðir það að sálin þarf ekki að snúa aftur hingað til að læra þær á ný. Áhyggjur stöðva ekki það sem sálir hafa valið að upplifa, þær geta jafnvel gert ástandið verra. Allar sálir bera svörin við áskorunum sínum innra með sér, en þegar þú grípur inn í líf annarra er hætta á að þú truflir flæði þessara svara. Þetta flæði getur stöðvast bæði vegna áhyggja þinna og vegna sannfærandi orða eins og: „Ég myndi ekki gera þetta ef ég væri þú.“
Nýlega spurði miðillinn minn, sem er mjög listræn, hvort hún hefði haft möguleika á að verða brúðarkjólahönnuður. Ég sagði henni að hún hefði sannarlega getað það. Hún hafði valið sér mörg lífsstörf en aldrei náð að vinna við þau. Ástæðan var einkum ótti hennar við föður sinn, sem sagði henni að hún hefði ekki nægilega hæfileika til að vera hönnuður. Í stað þess að trúa á sjálfa sig kaus hún að trúa honum. Hann gerði margt sem stöðvaði drauma hennar og hún leyfði því að gerast. Í mörg ár kenndi hún honum um, en í raun var það ótti hennar við hann sem stöðvaði draumana, ekki hann sjálfur.
Þekkir þú einhverja sem eiga sér drauma sem þeir hafa ekki hrundið í framkvæmd? Hefur einhver stoppað þig með orðum eða gert þig hrædda/hræddan við að láta drauma þína rætast, vegna þess að þú trúir ekki á eigin hæfileika?
Hættu að hafa áhyggjur af öðrum þegar kemur að hæfileikum þínum. Bæði þú og þeir vitið, djúpt í undirvitundinni, hvað þarf til að láta draumana rætast. Það er aðeins óttinn, ótti annarra við eigin hæfileika eða trú þeirra á takmarkanir, sem getur stöðvað ferlið.
Talaðu þinn sannleika. Segðu: „Ég veit að þér mun ekki líka þetta, en þetta er mitt val.“
Leyfðu engum að stoppa þig í að lifa draumana þína. Ef þú finnur að einhver hefur áhyggjur af þér, láttu þá vita að þú sért í lagi og þurfir ekki á áhyggjum þeirra að halda. Ef þeir hætta ekki, segðu þá þinn sannleika af festu og biddu þá að hætta þessu. Það mun jafna út hugsanir þeirra og stöðva áhrif þeirra á þig. Þeir munu ekki lengur hafa vald til að skaða þig.
Hvert ykkar hefur möguleika á að gera stórkostlega hluti, lifa í eigin mikilfengleika og láta hvorki áhyggjur né ótta eyðileggja draumana.
Maitreya
Beint á síðu http://maitreya.co
© Jónína Þorbjörg Gunnarsdóttir netpóstur