 |
|
 |
|
 |
|
 |
|
 |
|
 |
|
 |
|
 |
|
 |
|
 |
|
Endurkoma
Boðskapur Maitreya- miðlað af Margaret McElroy
6. febrúar 2006
Ég hef verið spurður, „Meistari ég hef átt þrjá eiginmenn, hver þeirra mun verða með mér í andlega heiminum þegar ég fer yfir?" Þetta er mjög mikilvæg spurning sem gæti þó valdið ótta hjá mörgum sálum sem halda að þær snúi heim aftur til sama maka og þær hafa deilt lífinu með.
Nokkrum jarðar dögum áður en ég skrifaði þetta bréf, kom Coretta Scott King heim í andlega heiminn eftir að hafa verið 78 ár á jörðinni. Hún var eiginkona Martins Luther King, sem kom heim til okkar eftir endurfæðingu sem lauk í apríl 1968 að jarðartíma. Þegar konan hans dó sögðu margir að hún hafi snúið til himna til að vera með manninum sínum. Eigi að síður, þau vissu ekki, að eftir að Martin Luther King kom heim til okkar kaus hann að snúa strax aftur til jarðarinnar til að ljúka því sem hann hefði átti að ljúka í síðasta lífi. Hann er karlmaður og er enn í Bandaríkjunum, dökkur á hörund og er 36 ára gamall núna (2006). Hann hitti aldrei konuna sína úr síðasta lífi. Hún verður ekki með honum núna þó að hún hafi snúið heim. Hún er sál eins og hann sem kom til jarðarinnar til að læra lexíur.
Það skiptir EKKI máli með hverjum þú ert, það sem skiptir máli eru lexíurnar sem þú þarft að læra. Já, þú getur verið með sama makanum allt þitt líf, en þegar þú snýrð heim, þá snýrðu heim ein(n). Öll ykkar sambönd, eiginmenn/eiginkonur, jafnvel óvinir, eru ekki lengur í ykkar heimi. Þau eru bara sálir sem gera ykkur kleift að læra það sem er ykkur nauðsynlegt í þessu lífi, ekkert annað!
Í lífi sínu sem Martin Luther King var hann hundeltur af yfirvöldum og rannsakaður út yfir það sem eðlilegt var. Í núverandi lífi er þessi maður hræddur við stjórnmála yfirvöld, hann er hræddur við tjáskipti og jafnvel við síma af því að sálin hans man svo vel eftir ofsóknunum. Hann hefur snúið til jarðarinnar aftur til að vinna andlega vinnu, einu sinni enn, en óttinn sem hann hefur núna er slíkur að hann lætur lítið fyrir sér fara. Það er vonast til að hann muni á endanum yfirstíga óttann og halda áfram sinni andlegu vinnu. Hann hefur ekki gifst ennþá í núverandi endurfæðingu.
Þegar þú snýrð heim, gæti verið að þú sért ekki í sömu vídd og vinur þinn, félagi eða maki. Ef þú hefur hækkað meira í tíðni en þeir sem eru þér kærir, þá ferð þú í hærri vídd og þangað geta þeir ekki farið. Margar sálir óttast að geta ekki verið með mökum sínum í okkar heimi þegar þær snúa heim. Þær skilja ekki að því meira sem þær óttast það, því meiri líkur eru á að draga þær aðstæður inn í líf sitt. Þannig að þegar þær snúa heim, hefur hugsun þeirra á jörðinni jafnvel skapað erfiðari aðstæður í andlega heiminum.
Láttu af þeirri þörf að eiga maka, því það er það sem þú gerir þegar þú óttast aðskilnað í andlega heiminum. Af hverju ertu með þennan ótta? Ert þú hrædd/ur við að vera ein/n? Hver er ástæðan fyrir óttanum? Þú getur átt yndislegan tíma með ástvinum þínum í okkar heimi og mátt vera viss um að þú munt hitta þá aftur, meira að segja þeir sem hafa verið óvinir þínir munu verða vinir þínir aftur.
Hvað um Coretta Scott King? Mun hún snúa aftur til jarðarinnar og hitta manninn sem var einu sinni eiginmaður hennar? Nei, hún hefur lokið sínum jarðlífum og mun nú dvelja í okkar heimi. Þegar maðurinn sem var fyrrum eiginmaður hennar snýr aftur mun hún gleðjast og þau munu kannski fagna því, en hún mun ekki vera með honum til eilífðar. Þetta er leið andlega heimsins, engin á annan og allir eru frjálsir að gera það sem þeir vilja. Æðra sjálfið í öllum sálum veit þetta og skilur.
Maitreya.
Beint á síðu http://maitreya.co
© Jónína Þorbjörg Gunnarsdóttir netpóstur