 |
|
 |
|
 |
|
 |
|
 |
|
 |
|
 |
|
 |
|
 |
|
 |
|
Gerðu það núna!
8. mars 2009
Skilaboð frá Maitreya - miðlað af Margaret McElroy
Fólk heldur oft að miðillinn minn sé fullkomin og gallalaus, en það er fjarri lagi. Ástæðan er sú að í mörgum öðrum jarðvistum, lauk hún ekki lexíum sem hún ætlaði að læra og leyfði sjálfinu að stjórna sér. Hún bað um að fá aðstoð meistara við að vera frædd um egóið/sjálfið áður en hún kom aftur til jarðarinnar í þessu lífi. Hún bað líka um kraft til að takast á við óttann. Það var ákveðið að hún myndi vinna í nánu samstarfi við mig þar sem hún hafði innsæis hæfileika sem voru mjög ofarlega í sálarminninu. Hún hafði notað þá í öðrum jarðvistum þó það væri ekki alltaf á þann hátt sem ætlað var. Hún gaf mér eigi að síður leyfi til þess að kenna sér og hækka tíðni/vitund sína í gegnum þá fræðslu.
Verkefnið hófst árið 1992. Fram að þeim tíma var hún að vinna með annarri mjög hæfileikaríkri orku, þekktri sem Argosi. Hann var ekki búinn að öðlast meistara tign, en starfaði í nánu samstarfi við meistarann Hilarion sem aðstoðar sálir sem vilja koma aftur til þess að læra að losna við óttann. Þegar ég kom inn í líf hennar hafði óttinn að mestu verið upprættur, en það var óttinn í sambandi við vinnu í gegnum innsæið. Hún átti enn eftir að læra margt í sambandi við að takast á við óttann við að koma fram á opinberum vettvangi. Hún átti erfitt með að taka gagnrýni og hafa stjórn á tilfinninga líkamanum og var dómhörð og gagnrýnin. Hún vissi samt sem áður að hún þyrfti að læra og því tók hún verkefninu af mikilli alvöru.
Það hefur stundum verið nauðsynlegt að láta hana vita að hegðun hennar væri ekki við hæfi ef hún vildi starfa með okkur. Strax í upphafi sagði ég að það sé aðeins einn vinnuveitanda og það sé orkan mín. Ég sagði henni líka að til þess að vinna með mér, þyrfti hún að fylgja innsæinu sínu og því sem henni væri gefið. Til allrar hamingju framfylgdi hún því og það gerði okkur kleift að hafa vinnuna á því stigi sem hún er í dag.
Það komu þó tímabil þar sem ég þurfti að ræða við hana um hegðun hennar, sérstaklega þegar hún var að dæma, setti út á aðra eða þegar hún lauk ekki verkefni á tilskildum tíma. Einu sinni sendum við boð um að hún sendi fax á sjónvarpstöð, þar sem við vissum að á þeim tímapunkti væri rétti aðilinn við faxvélina til þess að taka á móti faxinu og finna Margareti stað í sjónvarps útsendingu. Hún lauk við að skrifa miðlunina og rétti manninum sínum hana til sendingar og hugsaði ekki meira um það. Hún fylgdi því ekki eftir á þeirri stundu að það yrði sent. Nokkrum dögum seinna spurðum við hvort þetta hefði verið sent af því ekkert sjónvarps viðtal var í vændum. Hún komst að því að eiginmaður hennar hafði sett það í bakkann sinn og hafði ekki sent það. Hann ætlaði að senda það en hafði gleymt því. Við ræddum við hana af ástúð en með festu um það hversu mikilvægt það væri að gera hlutina sjálf og láta það ekki í hendurnar á öðrum, þar sem aðrir eru oft uppteknir og gleyma því sem þarf að gera.
Oft er stjörnufræðileg tímasetning mikilvæg. Ef ekki er tekist á við aðstæður eða málefni á þeirri stundu, þá er tímasetningin ekki rétt eða pláneturnar ekki í réttri afstöðu. Áður fyrr, fór hún í uppnámi þegar við ræddum þessa hluti við hana og ávíttum hana af ástúð, en það var nauðsynlegt til þess að hún lærði og til þess að aga hana. Hún hefði fengið það sama frá vinnuveitanda sínum ef hún hefði verið að vinna í fyrirtæki á jörðinni.
Hún hefur lært að gera hlutina þegar við biðjum um það. Þó var það nýlega sem hún var beðin um að gera svolítið en gerði það ekki. Það var margt sem mælti gegn því, en samt var nauðsynlegt að segja henni það aftur að þetta væri ekki nógu gott. Í það skiptið var hún fær um að sjá aðstæður og þó að hún hefði áhyggjur vegna þess að hún hafði ekki lokið verkefninu, þá var hún fær um að vera í æðra sjálfinu og fara ekki í uppnám.
Þegar þú vinnur með okkur, þá þarft þú ekki að skammast þín fyrir að játa að þú hafir gert mistök. Þú þarft ekki að óttast að fá athugasemd. Þú verður að átta þig á því að við erum ekki að reyna að meiða eða skaða þig á nokkurn hátt, heldur einungis að hjálpa. Við erum ekki að biðja um að þú sért fullkomin/n, en rétt eins og með faxið, þá glatast stundum tækifæri vegna þess að þú fylgir ekki skilaboðum sem þú færð.
Við höfum verið mjög lánsöm að hafa miðil sem er fús til að læra og er tilbúinn til þess að takast á við óttann. Óttinn var að mestu lítilmótlegur- með öðrum orðum hann var rétt fyrir framan hana en hún þurfti að takast á við hann. Hún gat ekki hlaupist á brott þrátt fyrir að sjálfinu hennar langaði til þess. Umfram allt þá hlustaði hún á okkur. Þó að það kæmi oft upp að þeir sem voru í kringum hana vildu ekki hlusta og það kostaði átök, þá lauk aðal vinnunni á réttum tíma.
Það er ekki auðvelt að gefa upp vilja sinn. Sjálfið elskar að hafa stjórnina og í gegnum árin höfum við fundið leiðir til þess að halda sjálfinu uppteknu. Það eru 16 ár síðan við byrjuðum að vinna saman. Það þarf ekki lengur að segja henni þegar hlutirnir eru ekki réttir eins og áður. Hún veit þó að það getur gerst aftur. Hún viðurkennir að hún sé ekki - og verði aldrei - fullkomin því lífið á jörðinni getur aldrei orðið þannig á meðan sjálfið er til staðar. Eigi að síður, þegar maður hefur einu sinni sigrast á sjálfinu og lært að stjórna því og vinna með æðra sjálfinu þá verður lífið mun auðveldara.
Miðillinn minn á ennþá langt í land, við höfum ekki ennþá hafið okkar eiginlega samstarf. Ef þú ætlar að vinna með meistara kennara og telur að það sé í áætlun þinni að gera það, þá máttu vita að það er aðeins einn stjórnandi - ef þú getur sagt sem svo - og það ert ekki þú!
Maitreya.
Beint á síðu http://maitreya.co
© Jónína Þorbjörg Gunnarsdóttir netpóstur