 |
|
 |
|
 |
|
 |
|
 |
|
 |
|
 |
|
 |
|
 |
|
 |
|
Hækkandi orkutíðni – 3. hluti
27. júlí 2009
Skilaboð frá Maitreya - miðlað af Margaret McElroy
Einkenni sem geta tengst hækkandi orku, eða fótonorkunni.
Minnisleysi eða tilfinning fyrir því að vera utan við sig:
Þetta getur verið erfið reynsla, þar sem þið gætuð fundið fyrir því að vera búin að gleyma hvað þið borðuðuð í kvöldmat, jafnvel þó það hafi verið fyrir aðeins klukkustund. ÞIÐ ERUÐ EKKI AÐ VERÐA MINNISLAUS. Það sem gerist er að þið eruð að færa virknina úr vinstra heilahveli yfir í hægra heilahvelið. Svæði í heilanum eru að virkjast til að takast á við þá háu orku sem streymir inn. Miðlinum mínum fannst oft eins og hún væri að fá heilablæðingu og að hún gæti ekki tjáð sig rétt; orðin sem hún sagði voru oft ruglingsleg og afbökuð. Þetta ástand mun ganga yfir, en það er ómögulegt að segja til um hversu lengi það varir.
Verkir í eyrum og vandamál með heyrn:
Eitt einkenni hækkandi orkutíðni er að finna fyrir ofurviðkvæmni gagnvart hljóðum. Allt í einu virðist allt svo hávært. Hundagelt í þriggja gatna fjarlægð getur virst eins og það sé í næsta húsi. Sumir upplifa einnig eins og það sé eitthvað í eyrunum og hafa stöðuga þörf fyrir að klóra sér. Verkir í eyrum geta einnig komið fram. Þetta er vegna hárrar orku sem er að streyma inn í líkamann.
Ofurviðkvæmni:
Þegar þið opnist fyrir hærri tíðni, byrjið þið að verða ofurviðkvæm fyrir fólki, hljóðum og allskyns hlutum. Þetta getur haft áhrif á miðtaugakerfið og reynst erfitt að eiga við. Gott er að taka B-vítamín og fjölvítamín ef þessi einkenni gera vart við sig. Ef þið hafið ofnæmi fyrir þessum vítamínum, skoðið þá remedíur eða Bach blómadropa gegn ofurviðkvæmni.
Þunglyndi:
Það er algengt að finna fyrir þunglyndi þegar orkutíðnin hækkar. Háa orkan sem streymir inn neyðir sjúkdóma, vírusa og allt sem hefur verið falið í líkamanum upp á yfirborðið, og þetta birtist oft sem þunglyndi. Leitið til andlegs ráðgjafa og reynið að finna rót vandans. Það gæti jafnvel tengst fyrri lífum, svo gott er að kanna það líka. Ekki vera hrædd – þetta mun líða hjá, og þegar það fer, munið þið finna létti. Jónsmessurunni (St. John’s Wort) getur einnig hjálpað í sambandi við þunglyndi.
Blikkandi ljósaperur og hvissandi rafmagn:
Miðillinn minn fór einu sinni inn í nýsjálenska útvarpsstöð í Auckland og öll stjórntækin urðu óvirk. Þegar hún gekk inn í sjónvarpsstöðina í Los Angeles, byrjuðu öll ljósin að blikka. Hún hefur einnig átt í vandræðum í hljóðverum og við upptöku á geisladiskum. Ef þetta gerist hjá ykkur, eruð þið líklega að ná mjög háu tíðnisviði og eruð á leiðinni að verða mikilvægir heilarar eða miðlar fyrir andlega heiminn. Þetta er vegna þess að hátíðni orka er að streyma inn í líkamann. Það má líkja þessu við að fá 50.000 volt inn í líkamann í einu, og það hefur ekki bara áhrif á ykkar eigin líkama, heldur fer rafmagnið í gegnum ykkur og hefur áhrif á öll rafmagnstæki.
Viðbrögð dýra:
Þið munið taka eftir því að hundar, kettir og önnur dýr verða meðvituð um orkuna ykkar. Sum dýr verða hrædd við hana, á meðan önnur vilja stöðugt vera inn í henni. Sum dýr fá aldrei nóg af henni, en önnur eru skelkuð vegna þess að þau skilja ekki þessa orku. Þetta mun hverfa þegar líkami ykkar venst hinni háu orku.
Fæðubreytingar:
Þegar orkutíðni ykkar hækkar, munið þið finna að matarvenjur ykkar breytast. Margir hætta að vilja kaffi, te eða kjöt, sem er algengt þegar tíðni hækkar. Kjöt er einstaklega þétt og getur haft áhrif á orkuflæði líkamans, sérstaklega ef það inniheldur hormón. Þið gætuð einnig fundið fyrir þörf til að borða ákveðinn mat eða hætta að borða það sem áður var í uppáhaldi. Leyfið þessum breytingum að gerast og prófið nýja möguleika í mataræði.
Vitundarstig:
Þegar tíðni ykkar hækkar, farið þið í gegnum mismunandi vitundarstig. Fyrsta stigið er tunglvitundarstigið, þar sem þið byrjið að þróa skyggnigáfu og heilunarhæfileika og verða næmari. Þetta stig tekur venjulega um fimm ár.
Næsta stig er sólvitundarstigið. Á þessu stigi verðið þið enn næmari og farið að hreinsa og heila vandamál úr orkulíkömum. Fyrir ykkur sem vitið það ekki, þið eruð með tilfinningalíkama, hugarlíkama og andlegan líkama. Á sólarvitundarstiginu hreinsið þið öll þessi svæði. Þetta ferli tekur oft þrjú til fimm ár. Margir ná ekki hærra stigi, því þetta er mjög hátt vitundarstig.
Stellar vitundarstigið er næsta skref fyrir þá sem vinna á mjög háu andlegu sviði. Að ná Stellar stiginu þýðir að þið hafið hreinsað allar orkustöðvarnar og tekist á við allt karmað. Þá eruð þið orðin hreinir miðlar fyrir andlega heiminn. Næsta skref er sameining við hinn guðlega kraft, guð, almættið eða hvað þið viljið kalla hinn æðsta mátt og það er aðeins mögulegt fyrir mjög andlega þróaða.
Tilgangur fótonorkunnar:
Fótonorkan er hér til að hækka orkutíðni jarðarinnar. Hún hreinsar út gamla og neikvæða orku og undirbýr jarðarbúa fyrir nýja fræðslu og tíðni vitund. Þetta mun valda róti í heiminum, og við munum sjá fleiri náttúruhamfarir - þær eru nú þegar og þær munu aukast. Þegar þessu ferli lýkur, mun mannkynið hafa breyst; það verður ekki lengur uppfullt af egói, eða lægra sjálfinu og vill ekki lengur stríð. Þá verður friður í þúsundir ára.
Bjóðið fótonorkuna velkomna inn í líf ykkar. Leyfið breytingunum að eiga sér stað. Streitist ekki á móti – það er til einskis. Reynið að hlæja og njóta augnabliksins. Þegar lífið reynir á ykkur, horfið þá á hvað er að gerast í heiminum og verið þakklát fyrir það sem þið hafið. Mörg ykkar munu á endanum vinna fyrir andlega sviðið til að gera heiminn að betri stað. Til þess að gera það, þurfið þið að hækka eigin tíðni, og það er það sem fótonorkan er að hjálpa ykkur við. Njótið ferðalagsins!
Maitreya
Beint á síðu http://maitreya.co
© Jónína Þorbjörg Gunnarsdóttir netpóstur