 |
|
 |
|
 |
|
 |
|
 |
|
 |
|
 |
|
 |
|
 |
|
 |
|
Heimskennarinn
27. september 2004
Skilaboð frá Maitreya - miðlað af Margaret McElroy
Margt hefur verið boðað um „Heimskennarann” og það hlutverk sem sá einstaklingur mun hafa á jörðinni. Margs hefur verið vænst af þessari veru og svo margt verið skrifað og talað um hana. Sumir halda að hún muni bjarga heiminum, sumir halda að hún komi á skýi eins og sagt hefur verið frá í ritningu margra trúarbragða og aðrir segja að hún muni birtast í líkamlegu formi. Spámaðurinn Jesús sagði áður en hann dó að hann myndi snúa til baka „eins og þjófur að nóttu.” Með öðrum orðum, engin myndi vita að hann væri þar. Það myndu ekki verða nein fagnaðarlæti engar yfirlýsingar, hann myndi bara birtast þar. Hann meinti ekki í líkamlegu formi, heldur í andlegu.
Ég hef verið spurður hvort ég sé Jesús. Nei, það er ég ekki. Samt sem áður, er Jesús einn af meisturunum í okkar heimi og öll skilaboð sem koma frá mér eru líka staðfest af öðrum meisturum. Svo í raun og veru, já, ég er tengdur honum. Samt sem áður hefur margt breyst síðan Jesús var á jörðinni. Tímarnir hafa breyst og mannkynið líka. Sumir myndu segja, til hins verra.
Tilgangur heimskennarans er það, að vera kennari fyrir heiminn, kennari fyrir þá sem óska eftir að lesa og heyra skilaboð hans. Hann er ekkert meira. Til allrar hamingju hef ég fjarskipti Internetsins til að aðstoða mig við kennsluna mína. Það var skapað að hluta til fyrir þetta, því að margir nota þetta form í samskiptum til að koma skilaboðum sínum áfram, margir myndu ekki geta gert það munnlega í sínu heimalandi. Þessi samskipta háttur gefur mörgum frelsi til að tjá sig. Heimskennarinn er hvorki til að tilbiðja, né upphefja. Hann er kennari, sá sem aðstoðar við að fræða aðra með orðum sínum, ekkert meira. Þetta er uppspretta uppfræðslu og andlegs þroska fyrir þá sem enduróma við orku þessarar vefsíðu.
Engin er neyddur til að lesa eða heyra skilaboðin mín, allir geta valið hvort þeir vilja lesa þau eða ekki. Það er yndislegt að hafa frjálsan vilja og við skiljum að margar sálir eru ekki ennþá tilbúnar fyrir þessi skilaboð. Skilaboð okkar eru gefin af kærleika, með einlægri ósk um að þau hjálpi jörðinni að hækka í tíðni, að stríð, ótti, deilur og önnur vandamál tengd sjálfinu verði ekki lengur til staðar. Þeir sem eru tilbúnir fyrir breytingar munu finna skilaboðin, þeir verða leiddir að þeim. Engin sál er neydd til þess.
Ég hef verið í leynum í nokkurn tíma, á bakvið skjá tölvunnar. Eigi að síður, hef ég nú ákveðið að koma fram fyrir þann skjá og ferðast um heiminn, til þess að koma skilaboðum mínum til ykkar persónulega. Ég vona af öllu hjarta að þið munið koma og njóta orku minnar og skilaboðanna sem ég hef að færa ykkur. Ég legg áherslu á að ég er aðeins kennari ekkert meira. Ekki setja mig á stall eða upphefja mig, því ég er ekki hér til þess. Ég er hér til að kenna fólki að skilja sjálft sig betur og til að hjálpa til við að hækka tíðnina á jörðinni.
Ef þið kjósið að koma og hitta mig, þá mun ykkur finnast það vera yndisleg upplifun. Miðilinn minn mun líka verða með opinberar sýningar og kennslu fyrir þá sem vita ekki um kennsluna mína á vefsíðunni. Þessar sýningar eru öðruvísi. Samt sem áður, er ég þarna með henni, efist ekki um það. Opinber vinna mín er rétt að byrja.
Maitreya
Beint á síðu http://maitreya.co
© Jónína Þorbjörg Gunnarsdóttir netpóstur