 |
|
 |
|
 |
|
 |
|
 |
|
 |
|
 |
|
 |
|
 |
|
 |
|
Innri friður
31. júlí 2005
Skilaboð frá Maitreya –miðlað af Margaret McElroy
Eftirfarandi spurning var lögð fram nýlega á spjallsíðu: „Maitreya, er friðurinn sem þú hefur talað um, sem á sér stað við ákveðið þroskastig, tákn þess að maður viti fyrir víst að maður sé við stjórnvölinn í sínum raunveruleika (með sínar fyrirætlanir)? Eða er það eitthvað annað, eða eitthvað til viðbótar við þetta?“
Friðurinn sem er ofar öllum skilningi getur aðeins orðið þegar maður hefur náð ákveðnu tíðnisviði, þegar stjórn hefur náðst á sjálfinu og þegar maður hefur unnið sig í gegnum alla gamla forritaða neikvæða orku. Það er ekki hægt að tala um innri frið ef maður er enn plagaður af efasemdum, ótta, óöryggi, metingi, reiði og öðrum slíkum tilfinningum. Þegar þessar tilfinningar eru ekki lengur til staðar verður hins vegar til mikið rými fyrir ást og frið í lífi manns.
Tilgangur sjálfsins er að hindra þig í að ná þessum friði, að draga þig inn í atburðarás annarra en ekki þína eigin. Þannig heldur það þér uppteknum allan tímann. Það er enginn tími fyrir hugleiðslu, enginn tími fyrir bænir og enginn tími fyrir hamingju.
Sjálfið er eins og stigmylla og þú leyfir þér að vera á því hjóli. Þið hafið orðatiltæki á jörðinni: „Gefðu þér tíma til að finna ilminn af rósunum.“ Sjálfið vill ekki að þið finnið ilminn af rósunum; það vill að þið gerið eitthvað annað. Þegar sjálfið er við stýrið og blekkir þig getur þú ekki fundið frið undir neinum kringumstæðum.
Friðurinn sem er ofar öllum skilningi er hlutlaust ástand þar sem enginn speglar fyrir þig lengur, ekkert veldur þér áhyggjum og þú óttast ekkert. Allt sem þú þarfnast birtist um leið og þú hugsar um það. Það er vissulega himnaríki á jörðu.
Allar sálir geta náð þessu vitundarstigi, en aðeins eftir að hafa gengið í gegnum baráttu á milli sjálfsins og æðra sjálfsins. Þegar maður hefur náð þessu er maður vissulega eitt með Guði.
Maitreya.
Beint á síðu http://maitreya.co
© Jónína Þorbjörg Gunnarsdóttir netpóstur