 |
|
 |
|
 |
|
 |
|
 |
|
 |
|
 |
|
 |
|
 |
|
 |
|
Kennarar
27. júní 2005
Skilaboð Maitreya - miðlað af Margaret McElroy
Mig langar til að vita hvort þið gerið ykkur grein fyrir því að það eru kennarar allt í kringum ykkur? Þeir eru ekki eingöngu inn í andlegum miðstöðvum. Margt venjulegt fólk á götunni er kennarar og það er ekki meðvitað um það. Við nýtum okkur það þegar þau eru tilbúin að láta orð okkar falla úr munni sér. Þau vita oftast hvað þau ætla að segja, en segja það ekki vegna þess að þau gætu móðgað manneskjuna, eða þá að hin manneskjan gæti farið í vörn! Við vinnum í gegnum hvern þann sem getur meðtekið hugsanir okkar. Þú gætir spurt hvernig við förum að þessu? Þarf fólk ekki að vera í hárri tíðni? Það er ekki þannig, nei. Margar sálir velja að vera boðberar fyrir okkur áður en þær fæðast. Þær velja á ákveðnu tímaskeiði lífsins að tala orð sem fólki er nauðsynlegt að heyra í því skyni að hjálpa þeim að breyta. Leyfðu mér að útskýra á þann hátt sem þú skilur.
Þegar sonur miðilsins míns fæddist var naflastrengurinn vafinn um hálsinn á honum. Þetta gerði það að verkum að hann átti í talerfiðleikum og talaði ekki skiljanlegt mál fyrr en hann var orðin þriggja ára. Hann átti líka í náms erfiðleikum og var ofvirkur út af þessu. Þetta varð til þess að Margaret fór að læra um óhefðbundnar lækningar og aðrar náttúrulegar aðferðir. Við leiddum hana að bók um ofvirkni og mataræði. Bókin féll að fótum hennar í bókasafni. Hún var forvitin og fór að lesa bókina og sá þá að þar var skrifað um sömu vandamál og sonur hennar hafði. Þessi bók var um mataræði, litarefni og krydd sem gæti haft áhrif á þessi börn. Þetta var auðvitað árið 1970 löngu áður en þetta vandamál varð þekkt í heiminum. Hún ákvað að breyta mataræðinu hjá honum og það virkaði. Hann varð svo gjörbreyttur við þetta að hún gat varla trúað því og ekki heldur maðurinn hennar, né vinir þeirra á þeim tíma. Margaret leið eins og hún hefði fundið gull við enda regnbogans. Hún gerði allt sem hún gat til þess að halda syni sínum við þetta mataræði þrátt fyrir að hann vildi það ekki alltaf. Öll fjölskylda hennar breytti líka yfir í sama mataræði og tók hún þá eftir því að reiðin hvarf að mestu leiti hjá þeim. Þegar sonur hennar vildi eitthvað sem hann átti ekki að fá þá sagði hún við hann „þú getur ekki fengið þetta, eða gert þetta, af því að þú ert ofvirkur." Hún gerð sér ekki grein fyrir því að hún var að marg endurtaka þetta inn í huga sonar síns.
Einn daginn kom vinkona hennar í heimsókn sem náði sambandi við æðri svið án þess að vera meðvituð um að hún væri miðill. Við ýttum á hana að láta Margaret vita þá staðreynd að hún væri að koma því inn í huga drengsins að hann væri ofvirkur. Margaret varð skelfingu lostin þegar henni var sagt þetta og gerði sér þegar í stað grein fyrir því hvað hún var að gera. Með fáum orðum breyttu þau útkomu aðstæðnanna! Sú sem talaði þessi orð var ekki þjálfuð í andlegum málum en hún var með opið hjarta og gegnum það og gullnu ljóskúluna sem er fyrir ofan höfuð hennar og hún hafði opnað (sem allar sálir hafa frá fæðingu) gátum við haft samband til að láta Margaret vita að hún væri að valda syni sínum meiri skaða en hjálp. Síðan þá höfum við notað þennan miðill mörgum sinnum í gegnum árin.
Eins og ég hef áður sagt eru milljónir sálna á jörðinni eins og þessi manneskja, þær vilja oft ekki segja það sem þær halda að þær eigi að segja, vegna þess að þær vilja ekki særa neinn. Eigi að síður ef það er sagt af kærleika og án reiði, eða illkvittni þá geta það verið mikilvæg skilaboð! Kennarar geta verið hver sem er. Já, auðvitað eru til kennarar sem eru mjög þroskaðir vegna lærdóms síns, eða hárrar tíðni, eða hvoru tveggja, en þeir eru einfaldlega boðberar sem við notum til að ná sambandi við ykkur, á þroskaleiðinni ykkar. Hlustið á öll skilaboð vegna þess að þau eru mikilvæg jafnvel þó að sjálfinu ykkar líki þau ekki! Við erum að reyna að hjálpa ykkur á andlegu leiðinni, hjálpa ykkur að halda áfram. Hlustið á það sem við höfum að segja í gegnum þá sem eru í kring um ykkur.
Maitreya.
Beint á síðu http://maitreya.co
© Jónína Þorbjörg Gunnarsdóttir netpóstur