 |
|
 |
|
 |
|
 |
|
 |
|
 |
|
 |
|
 |
|
 |
|
 |
|
Líffæraígræðsla
5. apríl 2010
Skilaboð frá Maitreya - miðlað af Margaret McElory
Ein af þeim spurningum sem ég fæ oft er um líffæraígræðslu. Hver er skoðun andlega heimsins á því. Okkar mat er einfalt. Það er eitt af því sem er nauðsynlegt í lífinu og þannig mun það verða áfram.
Sú manneskja sem þarfnast líffæris - svo sem hjarta eða lifrar – hefur komið með ástandið með sér úr fyrra lífi. Þegar hún þarfnast lifrar þá er það venjulega reiði, gremja, eða pirringur sem hún kemur með úr fyrra lífi. Sálin hefur ekki hreinsað þetta út úr sálarminninu þannig að önnur sál sem skuldar þessari manneskju karma eða býður sig fram til að hjálpa sálinni, velur að koma til jarðarinnar og lifa stuttu lífi til þess að hjálpa til við líffæragjöf fyrir þessa sál. Í hvert skipti sem það koma upp veikindi þá er það sálin að leita og sálin grandskoðar lífið sitt. Það gefur henni tækifæri á að horfast í augu við dauðann og þetta kemur af stað heilunarkrísu eða umskiptum í vitundinni sem er nauðsynleg til þess að halda inn á andlega braut.
Sál sem kemur yfir í andlega heiminn lærir margar lexíur í gegnum það að gefa og sálin sem þarfnast líffæragjafar lærir líka margt. Stundum ákveður sálin sem fer í líffæraígræðslu að deyja. Þegar það gerist þá er það þeirra val. Kannski vilja þau ekki halda áfram á þessari lífsbraut. Kannski eru þessar breytingar hið innra og á andlega sviðinu of miklar fyrir þær. Það er þeirra val að yfirgefa jarðlífið, en þær mun samt- í einhverri jarðvist – hafa þetta í karmaskránni sinni og munu þurfa að koma aftur til þess að upplifa þessar aðstæður. Þannig eru karmalögin.
Eitt er alveg öruggt. Sálin sem tekur við líffæragjöf verður aldrei söm eftir það. Það verða viðhorfsbreytingar til lífsins og hún lærir að meta hvert einasta augnablik í lífinu. Hún lætur ekki sekúndu fara til spillis.
Það verður meira um þetta í framtíðinni þar sem vísindamenn og læknavísindin munu rækta líffæri til þess að hjálpa til við þörfina fyrir líffæraígræðslu. Einn daginn mun ekki verða nein þörf á þessu vegna þess að mannfólkið mun að lokum uppgötva hina raunverulegu orsök fyrir veikindum og sjúkdómum. Það er ekki svo langt í það. Þörfin fyrir líffæraígræðslu mun þó verða til staðar þangað til sá dagur rennur upp. Á meðan þetta er svona þá er þetta tækifæri til þess að læra fyrir þær sálir sem fara í gegnum þetta ferli.
Maitreya
Beint á síðu http://maitreya.co
© Jónína Þorbjörg Gunnarsdóttir netpóstur