 |
|
 |
|
 |
|
 |
|
 |
|
 |
|
 |
|
 |
|
 |
|
 |
|
Lífið er blekking
28. maí 2004
Skilaboð frá Maitreya - miðlað af Margaret McElroy
Reynið að trúa ekki öllu sem þið sjáið, því lífið er blekking, blekking sem ekki er hægt að sjá í gegnum fyrr en maður byrjar að hækka tíðnina sína.
Þið sem eruð enn föst í blekkingunni getið ekki séð út fyrir þennan raunveruleika vegna lægra sjálfsins. En það er til annar „raunveruleiki“, og þann raunveruleika er aðeins hægt að skynja þegar tíðnin hefur verið hækkuð. Þegar það gerist, þegar maður hækkar tíðnina, verður mögulegt að sjá í gegnum þá blekkingu sem hefur verið sköpuð.
Þessi reynsla getur vakið ótta hjá sumum, því allt lífið hafa þau trúað því sem þau töldu vera raunverulegt, aðeins til að uppgötva að svo er ekki. Lífið breytist hjá þeim sem sjá í gegnum blekkinguna og þessar breytingar geta oft vakið ótta. Þær fela í sér umbreytingar, stundum stórfelldar. Þá hefst barátta milli lægra sjálfsins og æðra sjálfsins og átökin geta orðið verulega hörð.
Það er ekki hægt að útskýra fyrir annarri manneskju sem sér ekki í gegnum blekkinguna hvernig þetta ferli virkar. Engin orð eru til sem lýsa þessari reynslu til fulls.
Manni getur fundist maður afskaplega einn með þessa upplifun, því það getur tekið mörg jarðarár að ná þessum áfanga. Þið eruð þó ekki ein á þessu stigi. Við fylgjumst með ykkur og reynum að hjálpa ykkur, jafnvel þótt þið sjáið okkur ekki.
Það er ekki auðvelt að þroskast andlega og hækka tíðni sína. Stundum getur baráttan verið mikil og erfið, en tilfinningin um frið getur verið svo stórkostleg þegar tíðnin hækkar.
Allt sem skiptir máli er þetta augnablik. Allt sem tilheyrir fortíðinni er liðið. Þegar maður byrjar að lifa í núinu, fer maður smám saman að sjá í gegnum blekkinguna.
Maitreya.
Beint á síðu http://maitreya.co
© Jónína Þorbjörg Gunnarsdóttir netpóstur