 |
|
 |
|
 |
|
 |
|
 |
|
 |
|
 |
|
 |
|
 |
|
 |
|
Lífsleiðin ykkar
18. september 2004
Skilaboð frá Maitreya - miðlað af Margaret McElroy
Þið haldið að þið séuð ein á lífsleiðinni ykkar á þessari jörð. Samt eruð þið umkringd hundruðum sálna sem hjálpa ykkur á leið ykkar og bera til ykkar ómælda umhyggju. Þið hrópið í örvæntingu: „Af hverju gerið þið mér þetta?“
En þið gerið ykkur ekki grein fyrir því að þið komuð ykkur sjálf í þessar aðstæður.
Allar þjáningar eru vegna vals. Já, mörgum getur fundist þetta vera skelfilegt. „Hvernig getum við valið svona erfiða og sársaukafulla lífsreynslu?“ heyri ég ykkur segja.
Þið gerið ykkur þó ekki grein fyrir því að þetta er blekking; þetta er bara reynsla, þetta er ekki raunverulegt. Þetta LÍTUR ÚT FYRIR að vera raunverulegt og allt í jarðneskri tilveru styður þá upplifun, en það er ekki fyrr en tíðnin hefur hækkað og þið losnið úr jarðneskri tilveru að þið getið séð í gegnum blekkinguna.
Það er tilfinningalíkami ykkar, óttinn, efasemdirnar, óöryggið og aðrar tilfinningar sem halda ykkur föstum í blekkingunni. Þið teljið að það sem þið upplifið sé raunverulegt, en í raun er þetta allt hluti af blekkingunni. Það er ekki fyrr en þið komið heim til okkar að þið sjáið skýrt í gegnum hana.
Haldið þið að við njótum þess að horfa á ykkur þjást? Haldið þið að við njótum þess að horfa upp á þjáningu ykkar og lífsreynslu? Nei, svo er ekki. Við finnum fyrir öllu sem þið upplifið og meira til.
Við höfum djúpa samúð með öllum sem upplifa sársauka og þjáningu, og við gerum allt sem í okkar valdi stendur til að aðstoða, með því að gefa heilun og andlegan stuðning til þeirra sem þurfa þess með. Hvert ykkar hefur margar sálir okkar megin blæjunnar sem hjálpa ykkur á erfiðum tímum, sársauka og þjáningu.
Engu að síður getum við ekki skipt okkur af lífsáætlun ykkar, leiðinni sem þið hafið kosið, já, sem ÞIÐ hafið valið. Enginn annar getur verið ásakaður fyrir lífsreynslu ykkar; allt var valið fyrir fæðingu.
Þegar þið getið viðurkennt þetta og skilið, verður lífið auðveldara. Baráttan mildast og skilningur á lífinu og áætlun þess vex. Þótt ekki sé enn hægt að sjá í gegnum blekkinguna á þessu stigi, veitir skilningurinn ykkur styrk til að halda áfram, þroskast og smám saman sjá í gegnum hana.
Kennið engum öðrum um vandamál ykkar í lífinu, og ekki kenna þeirri orku sem þið þekkið sem Guð um. Sú orka elskar ykkur, þekkir hverja sál, lífsáætlun hennar og leið.
Þegar þið náið stjórn á tilfinninga- og hugarlíkamanum og snúið ykkur inn á við, munið þið finna að öll svörin eru þar: hvernig, af hverju, hver og hvað.
Við elskum ykkur óendanlega mikið. En oft eru það þið sjálf sem hafið ekki opnað ykkur fyrir ást okkar.
Maitreya.
Beint á síðu http://maitreya.co
© Jónína Þorbjörg Gunnarsdóttir netpóstur