Viska og gleði

Meistararnir

1. maí 2009

Skilaboð frá Maitreya - miðlað af Margaret McElroy

Fyrir rúmum hundrað árum síðan vorum við uppljómuðu meistararnir í sambandi við konu frá Rússlandi sem hafði einstakt innsæi og vitund. Nafn þessarar konu var frú Blavatsky/ Madam Blavatsky og í gegnum innsæið fengum við henni það verkefni að láta vita af okkur á jörðinni. Okkur fannst sem það væri rétti tíminn til þess að kynna okkur og dreifa þekkingu um okkur á andlega sviðinu til fólksins á jörðinni.

Madam Blavatsky var leidd inn í mörg trúarbrögð - sérstaklega þau austurlensku, í rit Indlands á sanskrít og allskonar fræðslu, hún varð meðvituð um tilgang skaparans og framtíð mannkyns.

Við báðum hana að gera fræðsluna einfalda því orð hennar áttu að berast um allan heim. Í þá daga voru flestir lítið menntaðir. Þeir sem voru í efri þrepum samfélagsins voru það auðvitað, en flestar sálir tilheyrðu verkalýðsstéttinni.

Madam Blavatsky reyndi að gera þetta einfalt, en hún barst af leið í samskiptum sínum við okkur og sína betri vitund. Hún hafði mjög sterkt sjálf sem tók stjórnina mörgum sinnum, hún breytti miðlun sem við gáfum henni til þess að fella hana að sínu. Hún reykti stanslaust sem hindraði einnig að skilaboð frá okkur færu hreint í gegn þar sem áran hennar var ekki hrein vegna stöðugra reykinga. Hún varð einnig meðvituð um stefnu hinnar andlegu kirkju og varð mjög upptekin af því að þeim líkaði við hana.

Okkur langaði til að vinna með kirkjunum. Við sáum samtökin sem yndislegar dyr samskipta, en frú Blavatsky horfði á kirkjurnar sem heimskulegar og einangrað sig frá þeim. Hún var þrjósk kona, mjög sterk og ákveðin. Sjálfið tók stjórnina og hún gerði ekki það sem við höfðum sent hana til að gera. Hún sagði fólki að við byggjum í Himalaya fjöllunum, hún neitaði að sætta sig við að hún sjálf væri miðill og hún einangraði sig jafnvel enn frekar frá þeim sem voru í meginstraumum þess andlega. Hún skapaði dulúð utan um sig, hún eignaðist marga óvini og hún var með nokkrar brellur til þess að koma fólk á óvart. Hún varð leikinn við töfrabrögð og "framkallaði" hluti til þess að sýna kunnáttu sína.

Þegar þetta var að gerast gátum við bara horft á með hryllingi þegar sendiboði okkar brenglaði orð okkar, laug viðbjóðslega um fund með okkur í líkama og skrifaði mörg ósönn orð í bækurnar sínar. Við höfðum ekkert vald til þess að stöðva hana. Þessi ótrúlega hæfileikaríki miðill, sem við höfðum vonast til að myndi færa fólkinu orð okkar, hún varð meira og meira aðskilin og markmið okkar náði ekki fram að ganga.

Hún skrifaði bækur, en þessar bækur voru svo flóknar að það gat varla nokkur skilið þær. Pistilinn sem við höfðum gefið henni um að hafa hlutina einfalda svo að fólk gæti skilið hana féll fyrir daufum eyrum. Við náðum aldrei til fjöldans. Jafnvel í dag eru bækur hennar flestum torskildar. Hvílík sóun á orku og hæfileikum.

Þegar Madam Blavatsky lést og sneri aftur í andlega heiminn, varð mikið uppnámi þegar hún sá hvað hún hafði gert. Eins og allar sálir þurfti hún að sjá allt sitt líf og afleiðingar þess áður en hún gat farið á sitt rétta heimili. Hún bað um annað tækifæri, svo það var ákveðið að hún fengi það, að henni yrði leyft að snúa aftur til jarðarinnar með skilaboð okkar. Hún fullyrti að hún myndi gera það rétt í þetta sinn. Til þess að ganga úr skugga um að hún myndi ekki verða of "torráðin" og tæknileg aftur, gættum við þess að hún ætti erfitt með að nota vinstri hluta heilans. En við létum hana líka fá betra innsæi en áður. Eftir að hún fór yfir í andlega heiminn hefur félagsskapurinn sem hún stofnaði Guðspekifélagið, gefið út þúsundir bóka, sem allar eru byggðar á eða innihalda eitthvað af upplýsingum hennar. Þau gerðu sér ekki grein fyrir því að upplýsingarnar voru rangar.

Sannleikurinn er þessi:

Við, uppljómuðu meistararnir, búum ekki og höfum aldrei búið í Himalaya fjöllunum. Við erum í andlega heiminum og munum dvelja þar. Við getum ekki búið á jörðinni þar sem tíðnin okkar er svo há. Við ráðum lærisveina - sem samþykkja að vinna með okkur áður en þau koma til jarðarinnar – og þessar sálir verða miðlarnir okkar. Til þess að gera þetta, þurfa þau að fara í gegnum stranga þjálfun til þess að eyða sjálfinu og skipta því út fyrir æðra sjálfið. Þessi þjálfun stendur yfir í mörg ár með aga og mikilli vinnu við að læra að meðtaka orku okkar og líka að læra algjöra hlýðni við okkur svo að orð okkar, en ekki miðilsins séu sögð. Það eru margar víddir í andlega heiminum. Við störfum í einni af þeim hæstu. Við urðum meistarar vegna þess að við losuðum okkur frá jörðinni. Við endurgreiddum allt okkar karma og lærðum allar okkar lexíur. Þá fórum við í æðri heima og unnum okkur upp aftur í gegnum margar víddir þar til við höfðum náð uppljómun. Heimurinn þekkir aðeins fáeina meistara en við teljum þúsundir. Við vinnum öll að því að hafa umsjón með alheiminum og þá sérstaklega við að reyna að hjálpa mannkyninu að ná hærra vitundarstigi.

Í mínu tilfelli hef ég verið með konu sem ég miðla í gegnum síðan 1992, venja mig við líkama hennar, orku og orkulíkama. Hún var þjálfuð fyrir þetta í fimm ár af annarri veru sem kenndi henni að miðla og vandi líkama hennar við orku andlega heimsins. Þetta hefur ekki verið skemmtileg reynsla fyrir hana og hefur valdið henni miklum óþægindum og ójafnvægi. Hún vissi að það væri nauðsynlegt ef hún ætlaði að miðla því hæsta. Það er til það sem þið viljið skilgreina sem karl–og kvenmeistara, Lady Nada og Lady Mary, svo að við nefnum tvo kvenmeistara. Hvert okkar hefur hlutverki að gegna í að beina orku mannkyns á jörðunni að hærri tíðni. Við getum bara unnið í gegnum miðil og þessi miðill verður að vera sérstaklega þjálfaður. Þið sem eruð með reynslu í að skilja stjörnuspeki þið getið séð ef þið skoðið kortið hjá miðlinum mínum að henni er ætlað að miðla orkunni minni. Mikið hefur verið skrifað um okkur meistarana, en meiripartur þeirra orða er ekki sannur. Með tímanum, mun mannkynið sjá hvað það er sem hefur verið ritað í fortíðinni sem er ekki satt. Við viljum láta vita að við erum tilbúin núna með Madam Blavatsky aftur, við að flytja fólki orð okkar úr andlega heiminum. Madam Blavatsky hefur endurfæðst einu sinni enn til þess að vera miðillinn okkar, en í þetta skiptið að gera það eins og við viljum. Í þetta sinn, hefur hún verið framúrskarandi nemandi og er nú tilbúin að flytja orð okkar til umheimsins.

Maitreya.

Efst á síðu

Kennsla Maitreya

Heim

Beint á síðu http://maitreya.co