 |
|
 |
|
 |
|
 |
|
 |
|
 |
|
 |
|
 |
|
 |
|
 |
|
Takist á við óttann
24. febrúar 2009
Skilaboð frá Maitreya - miðlað af Margaret McElroy
Mörg ykkar sem eruð á jörðinni teljið að lífið sé fyrirfram ákveðið, já það er þannig. Áður en þið fæðist þá veljið þið að þið ætlið að klára lexíurnar, endurgreiða skuldir og vinna ykkur í gegnum sambönd. Hins vegar er mörgum ekki kunnugt um að þetta getur allt breyst vegna þeirra ákvarðanna sem þið takið.
Margar sálir koma aftur heim til okkar og þeim er ekki kunnugt um að þær áttu að læra lexíur og margar þeirra hlupust á brott frá þeirri reynslu. Æðra sjálfið þekkir lexíurnar þínar, það veit hvað þú ert komin hingað til þess að læra. Lægra sjálfið hins vegar –„djöfullinn“ eða „satan“ í hinum kristnu trúarbrögðum - hefur einnig aðgang að þessum upplýsingum og mun eyða allri ævinni í að reyna að halda þér frá því að vita af þessu. Þú getur einungis fengið aðgang að upplýsingum með því að hækka tíðnina þína eins og ég skrifaði um í bókinni „Fótónuorkan“ og einnig í gegnum stjörnuspeki. Eigi að síður þótt þú hafir upplýsingar úr stjörnukorti þá getur það ekki nýst fyrr en þú hefur hækkað tíðni þína/vitundina þína. Sjálfið mun hindra þig með ótta, efa, óöryggi og mörgum öðrum tilfinninga þáttum.
Ég vildi að þú gætir séð þær sálir sem koma aftur heim - fullar af eftirsjá, sorg og gremju – sálir sem gátu ekki horfst í augu við óttann sinn og unnið sig í gegnum efasemdirnar, öryggisleysið og aðrar tilfinningar þegar þær voru í líkamanum. Því betur sem þú getur unnið á þessum hluta persónuleika þíns, því betri aðgang getur þú fengið og þannig náð að losa þig við keðjurnar sem halda þér þarna á jörðinni.
Frá upphafi hefur ótti verið bölvun mannkyns. Þegar þú óttast þá getur þú ekkert komist áfram, alveg sama hvað þú gerir. Samt er ótti bara tilfinning, orka. Þessi ótti ferðast með þér jarðlíf eftir jarðlíf og í hverri endurholdgun verður erfiðara að takast á við hann. Um leið og ég miðla þessum skrifum þá eru sálir á jörðinni sem hafa haft sama óttann í meira en 30 lífum. Fyrir þá sem þannig er ástatt fyrir, er eina leiðin til þess að ná að losa sig við þessa orku að fá aðstoð meistaraorku til þess. Þetta er einungis hægt að gera með miðli sem er í hárri tíðni. Þegar maður finnur þá sál, að það er orkan sem dregur þig til þeirra – það ásamt vissunni um að þær muni geta hjálpað þér. Þá verður óttinn eigi að síður mjög sýnilegur.
Fyrst af öllu mun sjálfið segja þeim að þær hafi ekki efni á að hitta manneskjuna, og það mun hafa margar afsakanir á reiðum höndum til þess að hætta við fundinn, það mun gera allt sem það getur til þess að hindra hverskonar samskipti. Hins vegar er ekki hægt að losa út ótta hjá þeim sem hafa haft hann í mörgum jarðvistum án þess að fá aðstoð hátíðni orku.
Hvernig getur þú vitað hvort sál sé í hárri tíðni? Það er hægt að finna það og sjá það í orkunni þeirra. Þær tala ekki illa um neinn eða neitt, þær sjá það góða í öllu sem þær gera, hjarta þeirra er opið og athygli þeirra er sannarlega á umhyggju og samúð frekar en peningum eða fjárhagslegum / ávinningi. Þegar þú finnur þá sál, þá hefur þú vissulega fundið orku meistara.
Ef sál kemur loksins til þess að fá kennslu eða aðstoð, þá þarf hún raunverulega að horfast í augu við óttann sinn. Enn og aftur, sjálfið mun gera allt sem það getur til þess að reyna að hindra það. Margir hafa fallið á þessu stigi. En þeir sem horfast í augu við ótta sinn, eru leystir undan því að þurfa að endurtaka þau málefni sem hafa hrjáð þá í mörgum jarðlífum og haldið aftur af þeim andlega. Enginn getur gert það fyrir þá, þeir verða að gera það sjálfir.
Þú velur að gera þetta og klára það. Svo margar sálir uppfylla ekki samninginn sinn. Þið áttið ykkur ekki á þeirri staðreynd að ef þið keyrið í burtu frá aðstæðum, þá mun alheimurinn bara koma með það aftur og aftur og aftur þangað til þið takist á við það, því líkur ekki eftir eina jarðvist. Öll mál sem er ekki tekist á við eða lærð, bíða bara eftir að það verða tekið á þeim aftur og þau lenda aftur í akasa skýrslu sálarinnar.
Á þessum jarðartíma er mannkynið að fá tækifæri til þess að losa út margra lífa karma, ótta, efa og þess háttar. Fótónuorkan, hinir mörgu andlegu kennarar á jörðinni og hin háa tíðni jarðarinnar – allt þetta er að aðstoða mannkynið á þessum tímum. Verður þú ein/n af þeim sem er nógu hugrakkur/hugrökk til þess að takast á við óttann þinn, sleppa og halda áfram? Ég vona að þú gerir það.Maitreya.
Beint á síðu http://maitreya.co
© Jónína Þorbjörg Gunnarsdóttir netpóstur