Heim
Viska
Heilun
Meistarar
Englar
Gleði
Hugleiðslur
Draumar
Um mig

 

 

Verndargripir



Skilaboð frá Maitreya - miðlað af Margaret McElory

Við erum undrandi í okkar heimi á því hversu margir ganga með verndargripi á sér í daglegu lífi. Þrátt fyrir að það hafi verið mikil trú á þessum hlutum í gegnum söguna, þá veita þeir hvorki vörn, né færa ykkur heppni. Ef maður trúir hins vegar að þeir geri það, þá gera þeir það. Í aldaraðir hefur mannfólkið borið krossa, verndargripi, og annars konar hluti sér til verndar, alls kyns hluti, meðal annars hluti sem eiga að færa heppni. Þessir hlutir eru búnir til vegna ótta annarra eða vegna skilyrðinga frá foreldrum, fjölskyldu, vinum, eða jafnvel kirkjunum. Þú ert skapari þíns eigin veruleika og þú getur haft vörn og getu til að búa hana til ef þú trúir því að vörnin virki. Þetta mun taka langan tíma hjá sumum vegna þess að það er ekki búið að losa þessar hugmyndir út, innst í undirvitundinni. Þannig að  jafnvel þó að þeir trúi og staðfesti, þá getur það tekið tíma. Aðrir  munu finna að það gerist mjög hratt vegna þess að þeir hafa losað út ótta og neikvæð viðhorf úr undirvitundinni. Verndargripir breyta engu hvort sem þeir eru gerðir úr tré, málmi, eða öðrum efnum. Það ert bara þú sem getur verið skapari þinnar eigin heppni, eða verndar.  

Miklum fjármunum er varið í verndargripi þegar raunin er sú að þú segir bara hvað þú vilt að gerist og með því að trúa því þá mun það skapandi ferli fara af stað. Ert þú með verndargripi, eða aðra hluti til þess að vernda þig eða gerir þér kleift að öðlast heppni? Ef svarið er „já,“ taktu hann þá af þér og fylgstu með hvernig óttinn skapast innra með þér þegar þessi hlutur er ekki lengur til staðar. Þú þarft ekki að vernda þig. Þú ert alltaf varinn nema að þú trúir öðru. Það er ekkert illt að óttast, nema það sem þú trúir og skapar. Láttu af ótta og efa og opnaðu dyrnar að nýju upphafi í lífi þínu, það er bara þín staðfesting sem verður aðdráttarafl fyrir allt sem þú þarfnast.

Maitreya.

Kennsla Maitreya

Efst á síðu

Heim

 

 

Beint á síðu http://maitreya.co

© Jónína Þorbjörg Gunnarsdóttir netpóstur