 |
|
 |
|
 |
|
 |
|
 |
|
 |
|
 |
|
 |
|
 |
|
 |
|
Hindranir í kynlífi
Jeshua miðlað af Pamela Kribbe
Hindranir í kynlífi kvenna
Ég mun nú fjalla um orkuhindranir á sviði kynlífs sem gilda annaðhvort um konur eða karla. Hjá konum eru það svæðin í fyrstu og annarri orkustöð (rófubein og naflastöð) sem eru verst farin og særð vegna kynferðislegrar kúgunar og ofbeldis í gegnum aldirnar. Í árþúsundir hafa konur mótast af undirgefni á næstum öllum sviðum samfélagsins, og þetta gerist enn á mörgum stöðum á jörðinni. Hvað varðar kynlíf, þá kemur þessi ójöfnuður fram sem nauðganir, árásir og niðurlæging í miklum mæli. Sem afleiðing af þessu hafa margar konur, þar með talið samvitund kvensálarinnar, þjáðst ofboðslega. Það eru djúp tilfinningaleg sár sem þurfa tíma, ást og fyllstu nærgætni til að heilast.
Konur finna til löngunar í kynlíf sem þrá hjartans eða sem andlega tilfinningu. En þegar þær eru komnar í líkamlega nánd, getur þeim fundist sem þær geti ekki tjáð kynorkuna á frjálsan hátt vegna orkuhindrana í fyrstu og annarri orkustöð. Í þeim orkustöðvum eru (sálar)minningar um kynlíf sem var neytt upp á þær og olli þeim niðurlægingu. Þessi reynsla var svo sársaukafull að konan dró orkuna, vitund sína, frá magasvæðinu. Þegar líkamleg nálgun verður aftur á þessum hluta líkamans á kynferðislegan hátt, þá herpast vöðvarnir ósjálfrátt saman eða tilfinningalíkaminn gefur sjálfkrafa merki um mótstöðu. Frumur líkamans eru meðvitaðar um áfallið og flytja ekki svo auðveldlega boð um að dansa. Þær vilja loka fyrir og búa til hindrun til að vernda sig frá frekari yfirgangi. Þessi viðbrögð eru algjörlega skiljanleg og ætti alltaf að takast á við þau með hinni mestu virðingu. Með því að beita einhvers konar valdi/afli til að losa viðnámið er verið að brjóta gegn orkustöðvunum aftur.
Þegar þú hefur þessar tilfinningar sem kona, þá er mjög mikilvægt að verða fyllilega meðvituð um þær. Það getur verið reiði þarna, mótstaða eða ótti gagnvart líkamlegri nánd. Allar þessar tilfinningar eru oft eldri en sambandið sem þú ert í, jafnvel eldri en þetta líf. Þetta geta verið mjög gömul áföll í þessum lægstu orkustöðvum sem hafa orðið að djúpum tilfinningalegum örum.
Sérstaklega myndi ég ráðleggja konum sem þekkja þennan sársauka að kynna sér líftíma þar sem þær voru hinn brotlegi/gerandinn (andstæða fórnarlambsins). Ef þér finnst það erfitt að fara í fyrri líf, getur þú reynt að komast í samband við „orku gerandans eða hina kraftmiklu konu“ innra með þér. Þetta gæti hljómað mjög undarlega, en ástæðan er þessi: Þegar þú hefur verið fórnarlamb kynferðisglæpa, þá hefur það valdið mikilli reiði í orkusviðinu þínu. Það kann að vera reiði þar frá nokkrum lífum. Þessi reiði blokkerar þig og heldur þér í fangelsi í tilfinningu vonleysis og fórnarlambs. Til að losa þessa reiði þarft þú skilning. Þú þarft að skilja hvers vegna og fyrir hvað. Þú þarft að sjá stóru myndina. Þegar þú getur ímyndað þér þig sem kraftmikla konu sem gæti verið miskunnarlaus og grimm gagnvart körlum og finnst innst inni að þetta sé einnig hluti af þér, þá getur reiðin farið að leysast upp. Betri skilningur getur skapast, þar sem þú veist það innra með þér að þú ert hluti af stærri karma-sögu þar sem þú spilaðir bæði hlutverk brotamanns og fórnarlambs. Það er næstum ómögulegt að losa tilfinningar sársauka, tilfinningar vanmáttar og fórnarlambs án þess að skoða líka hina hliðina á þér, „dökku hliðina.“
Þú þarft ekki endilega að fara aftur til fyrri lífa til að viðurkenna þennan dökka hluta innra með þér. Þú getur einnig orðið meðvitaðri um það með því að horfa á lífið þitt dagsdaglega. Þegar þér finnst þú finna þessa orku (t.d. vilja til að beita valdi eða særa aðra), getur þú fundið að þú hefur ekki aðeins verið hið hjálparvana fórnarlamb ytri aðstæðna. Það er karma-jafntefli milli brotamanns og fórnarlambs; bæði hlutverkin endurspegla þætti í þér
Um leið og þú þekkir og viðurkennir dökku hliðina á þér getur þú horft á eigin innri sár á annan hátt og byrjað að fyrirgefa. Þegar það er skilningur getur reiði losnað upp og þú getur komist í tengingu við undirliggjandi tilfinningalög: depurðina, sorgina, sársaukann sem er þar á mörgum sviðum, einnig í líkamanum sjálfum.
Það er mjög mikilvægt fyrir konur að viðurkenna brotamannsþáttinn í sjálfri sér og vinna með það. Þegar það er hatur og gremja í þér gagnvart kynlífi, áttaðu þig á því að því meira hatur og reiði sem þú finnur, því betur sem þú þekkir hlutverk fórnarlambsins, því meira rænir það þig frelsinu. Reyndu að finna innra með þér að á vettvangi kynlífs er karma-leikur í gangi þar sem þú hefur uppfyllt bæði hlutverkin, góða gæjann og eins slæma strákinn. Þaðan er hægt að koma af stað fyrirgefningu – fyrirgefa sjálfum sér og einnig öðrum. Það er ástæða fyrir öllu. Ofbeldisverk og kúgun virðast tilgangslaus, en það er alltaf saga á bak við það. Og þegar það er um kynferðislegt ofbeldi að ræða, þá skilur það djúp spor eftir sig á öllum fjórum stigum mannlegrar tilveru.
Hindranir í kynlífi karla
Hvað varðar reynslu karla af kynlífi, þá eru blokkeringar sem myndast að mestu leyti á hjartasviðinu eða höfðinu. Á þessum sviðum getur verið ótti við að gefa eftir og ótti við djúpa tilfinningalega nánd. Oftast nær þessi ótti lengra aftur en hægt er að muna. Hann tengist tímaskeiðum þar sem konur réðu yfir körlum. Þetta gerði leikinn um kynferðislegt aðdráttarafl, sem í upphafi var saklaus og óundirbúinn, ógnandi. Karlar lærðu að það gæti verið hættulegt að sýna tilfinningar sínar opinskátt og að opna hjarta sitt fyrir maka sínum.
Innra með körlum er djúpstæður ótti við að gefa sig að tilfinningahlið sinni, og þessi ótti þarf ekki endilega að birtast á líkamlegu sviðinu. Þeir geta tekið þátt í líkamlegri athöfn kynlífs á meðan þeir halda tilfinningum sínum aðskildum. Svo getur karlinn verið kynferðislega til staðar á líkamlegu stigi, en tilfinningaþáttur hans er (að hluta til) fjarverandi. Tilfinningar hans eru lokaðar inni vegna ótta við að opna sig og verða viðkvæmur fyrir höfnun á ný. Þetta eru endurminningar gamallar sálar um að hafa verið yfirgefin og tilfinningalega særð.
© Jónína Þorbjörg Gunnarsdóttir netpóstur